Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 136v

Breuddwyd Rhonabwy

136v

562

yn|dyuot. a|llen o bali gỽyn am|bop
un o·nadunt. a godryon pob vn yn pur+
du. a|thal eu|deulin a|phenneu eu dỽy+
goes y|r march yn purdu. a|r meirch
yn|ganwelỽ oỻ namyn hynny. ac eu
harwydon yn purwynn. a blaen pob
un ohonunt yn purdu. Jdaỽc heb·y
ronabỽy pỽy y vydin burwenn racco.
Gỽyr ỻychlyn yỽ y rei hynny. a march
uab meirchaỽn yn tywyssaỽc ar·nad+
unt. kefynderỽ y arthur yỽ hỽnnỽ.
Ac odyna y gỽelei vydin ˄a gỽisc purdu am
bop un o·nadunt. a|godreon pob ỻenn yn
purwynn. ac o penn eu dỽygoes a|th+
al eu|deulin y|r meirch yn|purwynn.
ac eu|harỽydon yn|purdu. A blaen pob
vn ohonunt yn purwynn. Jdaỽc heb+
y ronabỽy pỽy y vydin purdu racco.
Gỽyr denmarc. ac edern uab nud
yn tywyssaỽc arnadunt. A|phan or+
diwedassant y ỻu. neur|disgynnassei
arthur a|e lu y kedyrn od·is kaer
vadon. a|r fford y kerdei arthur y
gỽelei ynteu y uot ef ac idaỽc yn ker+
det. A|gỽedy y disgynnv y klywei tỽ+
ryf maỽr a·brỽysgyl ar y ỻu. A|r gỽr
a uei ar|ymyl y|ỻv yr aỽrhonn. a vyd+
ei ar eu|kanaỽl elchỽyl. a|r hỽnn a
vydei yn|y kanaỽl a vydei ar yr ymyl.
ac ar hynny nachaf y gỽelei varch+
aỽc yn|dyuot a ỻuruc ymdanaỽ. ac
am y varch ky|wynnet y modrỽyeu
a|r alaỽ gỽynnaf. a|ch·yn|gochet y
hoelon a|r|gỽaet cochaf. a|hỽnnỽ yn
marchogaeth ymplith y|ỻu. Jdaỽc
heb·y ronabỽy ae ffo a|wna y ỻu ragof.
ny ffoes yr amheraỽdyr arthur eiry+
oet. a|phei clywit arnat yr ymadra+
ỽd hỽnn gỽr diuethaf vydut. namyn
y marchaỽc a|wely di racko. Kei yỽ
hỽnnỽ. teckaf dyn a varchocka yn
ỻys arthur yỽ kei. a|r gỽr ar ymyl
y|ỻu yssyd yn|bryssyaỽ yn ol y edrych
ar kei yn marchogaeth. a|r|gỽr
yn|y kanol yssyd yn|ffo y|r ymyl rac

563

y vriwaỽ o|r marcha hynny yỽ
ystyr kynnỽryf y ỻu. ar hynny
sef y clywynt galỽ ar gadỽr iarỻ
kernyỽ. nachaf ynteu yn|kyuot.
a|chledyf arthur yn|y|laỽ. a ỻun|deu
sarf ar y cledyf o eur. A|phan tyn+
nit y cledyf o|e wein. ual dỽy ffl+
am o tan a welit o eneueu y se+
irf. a hynny nyt oed haỽd y neb
edrych arnaỽ rac y aruthret.
Ar hynny nachaf y ỻu yn araf+
hau a|r kynnỽryf yn peidaỽ. Ac
ymchoelut o|r iarỻ y|r pebyỻ. Jdaỽc
heb·y ronabỽy pỽy oed y gỽr a|duc
y cledyf y arthur. Kadỽr iarỻ
kernyỽ gỽr a|dyly gỽisgaỽ y ar+
ueu am y brenhin yn|dyd kat ac
ymlad. ac ar hynny y clywynt
galỽ ar eiryn wych   am·heibyn
gỽas arthur gỽr garỽgoch an+
hegar. a|thraỽssỽch goch idaỽ. a
bleỽ seuedlaỽc arnei. nachaf
ynteu yn|dyuot ar uarch coch
maỽr. gỽedy rannu y vỽng o
boptu y vynỽgyl. a sỽmer maỽr
telediỽ gantaỽ. a|disgyn a|oruc
y gỽas coch maỽr rac bron arthur.
a thynnu kadeir eur o|r sỽmer
a ỻenn o pali kaeraỽc. A|thannu
y ỻenn a|oruc rac bronn arthur.
A˄aual rud·eur ỽrth bop koghyl
idi. a gossot y gadeir ar y|ỻenn.
a|chymeint oed y gadeir ac y
gaỻei tri milỽr yn aruaỽc eisted.
Gỽenn oed enỽ y ỻenn. ac vn
o genedueu y ỻenn oed. y|dyn
y|dottit yn|y|gylch. ny welei neb
euo ac euo a|welei baỽp. ac ny
thrigyei liỽ arnei vyth. namyn
y ỻiỽ e|hun. Ac eisted a|oruc arthur
ar y ỻenn. Ac owein uab uryen
yn seuyỻ rac y uron. Owein heb
arthur a chwaryy|di wydbỽỻ*.
Gwaryaf arglỽyd heb owein.
A dỽyn o|r gỽas coch yr wydbỽyỻ