Breudwd Rhyddiaith Gymraeg 1300-1425
English

LlB Llsgr. Harley 958 – tudalen 9v

Llyfr Blegywryd

9v

geif ẏ talareu oll. A|r ieir a|r katheu a|r bỽ+
ẏỻ. Ef a|geif torth a|e henỻẏn ym pob tẏ ẏ|del
ar neges ẏ brenhin. Gwaẏỽ ẏ righẏỻ nẏ bẏd
hỽẏ no their llath. rac ẏ arganuot pan del
ẏ wẏssẏaỽ. Nẏ bẏd tenỻẏf ẏn||laỽdẏr.
O|r anreith y bo ẏ brenhin ỽrth ẏ dỽẏn ẏ rig+
hiỻ a geif ẏ tarỽ. Ac onẏ bẏd tarỽ ef a|geif
ẏch ieuanc nẏt el dan wed eiroet. neu gẏn+
flith. Pan uo marỽ righiỻ. ẏn trugared ẏ
brenhin ẏ bẏd ẏr eidaỽ. Pan anreither ẏ pen+
kẏnẏd o|e gam ẏ righiỻ a|e anreitha. O|r ser+
heir ẏ righill o|e eisted ẏn|dadleu ẏ brenhin n
cheif onẏt gogrẏt hilgeirch a|chỽcỽẏ ỽẏ ẏn|tal
ẏ sarhaet kanẏ dẏlẏ ef eisted ẏ·tra wnelher
dadleu ẏ|brenhin. O|r wẏs a wnel righẏll cre+
dadỽẏ uẏd ẏ eireu. Gwẏs righiỻ a|thẏston a|d+
uỽẏn ẏn|ẏ ỻe gan tẏstu udunt ẏ wẏs neu ta+
raỽ post|teir gweith. nẏ eiỻ neb vẏnet ẏn|
herbẏn onẏt trỽẏ lẏs. Gwẏs righẏỻ heb tẏs+
ton o teir ỻaỽ ẏ gwedir. O dri mod ẏ kedern+
heir gwẏs. o tẏston. A|mechniaeth. neu auael.
Teir gwẏs a ellir eu gwadu kẏn amser
tẏston. Gwẏs gan tẏston nẏ wneir onẏt
am|tir. a ouẏnher o|ach ac edrẏd. trỽẏ naỽuet+
dẏdẏeu mei neu galan gaẏaf. O|gouẏnnir
tir ẏn amgen no hẏnnẏ. neu peth arall. A