LlB Llsgr. Harley 958 – tudalen 55r
Llyfr Blegywryd
55r
ta a|drẏcheif ar ẏ|werth. Naỽuet·dẏd hwefraỽr
ot ẏmeiỻ ac eredic vn ar pẏmthec a|drẏchefir
arnaỽ dros y|teithi. A dỽẏ geinhaỽc o|r tẏm+
hor. Ac ẏna hwech a|deugeint hyt galan
mei. hẏt aỽst ỽẏth a deugeint. hẏt galan rac+
uẏr dec a|deugeint. hẏt galan hwefraỽr. deu+
dec a|deugeint. Ac ẏna aỻweith uẏd. A hẏn+
nẏ a drẏcheif arnaỽ pedeir keinhaỽc kẏfreith
hẏt galan mei. Ac ẏna trugeint a|tal. Ac ẏ+
na ẏch cỽbẏl uẏd. Croen ẏch. deudec kein+
haỽc a|tal. Croen buch. ỽẏth geinhaỽc a|tal.
Teth buch pedeir keinhaỽc kẏfreith a|tal.
Corn buch a|e ỻẏgat a|e ỻoscỽrn. pedeir kein+
haỽc kẏfreith a|tal pop vn ohonunt. Gwerth
dant eidon. neu dant march tom; pedeir kein+
haỽc kẏfreith ẏỽ. O|r gwerth dẏn uuch ẏ ar+
aỻ. a bot teth idi ẏn diffrỽẏth. gỽerth ẏ teth
a dal pob blỽẏdẏn idaỽ tra uo ẏ uuch ar ẏ helỽ.
Deugeint a tal eneit buch. neu ẏch. Dros
y croen. ỽẏth geinhaỽc. dros ẏ petwar hwar+
thaỽr ỽẏth geinhaỽc. Dros ẏ pen a|r traet a|r
amẏscar a|r gwer. pedeir keinhaỽc. Buch a vẏd
taladỽẏ o|e heil ỻo hẏt ẏ pẏmhet. Ẏch o|r trẏded
ieu hẏt ẏ hwechet. Y neb a|wertho buch neu
ẏch ef a|dẏlẏ uot dros tri chleuẏt. rac ẏ|dera tri+
| « p 54v | p 55v » |