Breudwd Rhyddiaith Gymraeg 1300-1425
English

LlB Llsgr. Harley 958 – tudalen 54r

Llyfr Blegywryd

54r

strodẏon. A phedeir keinhaỽc heit a dis+
gẏnho ar agen. A chostaỽc tom. Nẏ dẏ+
lẏ kẏnhen uot ar leidẏr a perthẏno ẏ
werthu ẏnẏ uo manac arnaỽ ẏn gẏn+
taf trỽẏ tỽg ẏn|ẏ tri ỻe megẏs ẏ mae
racdẏwededic kẏn hẏn. Nẏ dẏlẏ uot re+
ith ar leidẏr kẏssỽẏn ẏnẏ vo manac ar+
naỽ ẏn gẏntaf ẏ mẏỽn ỻẏs. 
L lo o hanher maỽrth neu ebrẏll hẏt
galan racuẏr. hwech cheinaỽc a tal.
o hẏnnẏ hẏt galan hwefraỽr. ỽẏth gein+
haỽc a tal. O hẏnnẏ hẏt galan mei dec
a tal. O hẏnnẏ hẏt aỽst deudec a|tal. hẏt
galan racuẏr pedeir ar dec a|tal. hẏt galan
wefraỽr. vn ar pẏmthec a tal. hẏt galan
mei. deu·naỽ a tal. hẏt aỽst. ugeint a
tal. Eil·dẏd aỽst pedeir keinhaỽc a achwa+
negir arnaỽ. hẏt kalan racuẏr hwech
ar hugeint. hẏt galan hwefraỽr. ỽẏth
ar hugeint. hẏt galan mei. dec ar|hugeint.
Naỽuet·dẏd mei teithi kẏnfflith a dẏlẏir
ẏ ouẏn ohonei. Ac ẏn|ẏ dẏd hỽnnỽ ẏd ach+
wanekẏr vn ar pẏmthec arnei. nẏt amgen
no gwerth ẏ llaeth. Ac ẏna ỽẏth a deuge+
int a|tal. hẏt galan racuẏr dec a deugeint.