Breudwd Rhyddiaith Gymraeg 1300-1425
English

LlB Llsgr. Harley 958 – tudalen 53v

Llyfr Blegywryd

53v

kẏmeret ef ẏ creir a doet ẏ|r tref. Ac o|r tẏg+
hant lỽ diarnabot. talent ẏ rif ỻỽdẏn. A|r
gẏfreith honno a elwir. telhitor gwedẏ halaỽc+
lỽ. O|r deilẏ dẏn ẏscrẏbẏl ar ẏ ẏt. a bot ẏm+
daeru rỽg ẏ deilẏat a perchennaỽc ẏr ẏscrẏbẏl
ẏ deilẏat bieu tẏghu kaffel ẏ blaenẏeit a|r
olẏeit ar ẏr ẏt. O|r deilẏ dẏn ẏscrẏbẏl aghẏ+
neuin ar ẏ ẏt neu ar ẏ weir. Ac ẏmlad o|r ẏs+
crẏbẏl ẏn|ẏ gwarche. a llad o lỽdẏn ẏ ỻaỻ. per+
chennaỽc ẏr ẏscrẏbyl bieu talu ẏ ỻỽdẏn a
lather. a deilat a uẏd rẏd. O|r ỻad ẏscrẏbẏl
trefgord lỽdẏn. ac na ỽẏper pỽẏ a|e ỻatho;
doet perchennaỽc ẏ ỻỽdẏn a chreir gantaỽ ẏ|r
tref. a rodent lỽ dirnabot*. Ac odẏna talent ẏ
llỽdẏn ẏ rif eidon. Ac o|r bẏd eidon moel. ran
deu eidon a a arnaỽ. A|r gẏfreith honno a el+
wẏr ỻỽẏr tal gỽedẏ ỻỽẏr tỽg. O|r bẏd adef
ar neb eidon ỻad ẏ ỻaỻ; talet ẏ perchennaỽc.
Vn peth ar|dec ẏssẏd a gwerth pob vn o·honunt
ẏỽ pedeir keinhaỽc cota. ỻo kẏnfflith a|e
theth. pedeir keinhaỽc pan dotter ieu gẏn+
taf ar ẏch. a phedeir keinhaỽc a achwanec+
keir ar werth march pan ffrỽẏnher gẏntaf
a gafẏr. a bỽch. ac ascỽrn tỽn uch creuan.
Ac ebaỽl ẏmdiuat. A phedeir keinhaỽc gỽa+