LlB Llsgr. Harley 958 – tudalen 52v
Llyfr Blegywryd
52v
ẏ werth ẏ wadu beich keuẏn ony ho+
lir ẏn ỻedrat. onẏ|thal ugeint. Deudeg+
wẏr ẏ wadu gwerth trugeint onẏ holir
ẏn lledrad. Petwargwẏr ar|hugeint ẏ|wa+
du gwerth hweugeint. Oẏthwẏr a|deuge+
int a watta punt neu ẏ gwerth onẏ holir
ẏn lledrat. Seithwẏr a watta mỽẏ no be+
ich kefẏn. Tri dẏn a watta ỻei no beich
kefẏn. Deudegwẏr a watta pỽn march
ac ueỻẏ ẏ gwedir pob da onẏ holir ẏn ỻedrat.
O |R pan dotter ẏr ẏt ẏn|ẏ daẏar ẏnẏ el ẏn
ẏ ẏscub. arẏant tal a daỽ drostaỽ. Ac o+
dẏna ẏscub iach ẏn ỻe ẏ glaf. O pop march
a|uo hual neu laỽhethẏr arnaỽ. keinhaỽc ẏ
dẏd. a dỽẏ ẏ nos. O|r bẏd difgẏfreith. dimei
ẏ dẏd a|cheinaỽc ẏ nos. O|r disgẏfreithir oỻ
ẏ march pan dalher ar ẏr ẏt. talher tri buhun
camlỽrỽ ẏ|r brenhin. o|r bẏd hagen vn egỽẏt
am ẏ troet. nẏ dẏlẏ colli dim. O pob eidon bu+
arth. dimei ẏ dẏd. a cheinaỽc ẏ nos. O|r kadỽ
kẏfreith o|r moch. dalẏet ẏr hỽch a dewisso ei+
thẏr ẏ tri ỻẏn* ar·benhic. a gadet o|r prẏt ẏ gi+
lẏd. Ac ẏna kẏnigẏet hi ẏ|gỽẏd tẏston y|r per+
chennaỽc. Ac onẏ|s diỻỽg o|e chẏfreith gỽna+
et ẏ deilẏat ẏ defnẏd o·honei. Sef ẏỽ ẏ ka+
| « p 52r | p 53r » |