Breudwd Rhyddiaith Gymraeg 1300-1425
English

LlB Llsgr. Harley 958 – tudalen 51r

Llyfr Blegywryd

51r

hin bieiuẏd. Pỽẏ bẏnhac a ometho seuyỻ
ỽrth gẏfreith ẏn ỻẏs ẏ|gỽẏd ẏ brenhin an+
reith odef uẏd. Eil dẏn anreith odef ẏssẏd.
flemaỽr. Trẏdẏd ẏỽ dẏn a latho kelein
P ỽẏ|bẏnhac a tor +[ kẏwlat ac ef.
ho not ar|ffin ẏ·rỽg deu tir neỽ dỽẏ
tref; talet gamlỽrỽ ẏ|r brenhin. A phedeir
keinhaỽc kẏfreith ẏ|r perchen. A|gỽnaeth
ẏ not mal ẏ bu. Os auon a uẏd not rỽg
tired deudẏn. a dẏgỽẏdaỽ derwen ar traỽs
ẏr auon. perchen ẏ tir ẏ tẏfo ẏ pren oho+
naỽ bieiuẏd ẏ pren ac a perthyn ỽrthaỽ.
Y neb a artho prifford neu ffos ar ffin. ta+
let hweugeint ẏ|r brenhin. Gwaharda+
dỽẏ ẏỽ coed am ẏ ffrỽẏtheu o|r pẏmhet
dẏd kẏn gỽẏl vihaghel hẏt ẏ pymthec+
uet dẏd gỽedẏ ẏstỽẏll. Ac a*|r moch a gaf+
fer ẏn|ẏ coet. ỻather ẏ decuet o·honunt y
naỽ. Ac o·dẏna ỻather pob vn pan gaffer
hẏt ẏ diwethaf. O|r moch a distrẏỽho ẏt
aeduet; talher gwerth ẏr ẏt a distrỽyyt
drostunt. Pan gaffer moch ẏ mẏỽn gwe+
irglaỽd neu ẏ mẏỽn ẏt kẏnẏ vot ẏn aed+
uet. o|r ẏmchoelant ẏ rei hẏnnẏ. talhet
pedeir keinhaỽc kẏfreith drostunt nac vn
a vo na ỻeaỽs ẏ·gyt. achaỽs agori ẏ daẏar