Breudwd Rhyddiaith Gymraeg 1300-1425
English

LlB Llsgr. Harley 958 – tudalen 49v

Llyfr Blegywryd

49v

hẏnnẏ. nẏ dẏlẏ talu prit drostaỽ. ac nẏ
dẏlẏ goỻỽg dim o da kẏffro a ordiwetho ar
ẏ tir ẏ|r kẏnhalaỽdẏr. Pỽẏ bẏnhac a pres+
sỽẏlho ar tir dẏn araỻ heb ẏ ganhat dros
tri·dieu a their·nos; hoỻ da kẏffro hỽnnỽ.
perchen ẏ tir bieiuẏd ẏn dilis. os ardiỽed
ar ẏ tir. Tri ryỽ prẏt ẏssẏd ar tir. vn yỽ
gobẏr gỽarchadỽ. Eil ẏỽ ẏr hẏn a|rother
ẏ achwaneccau tir neu ẏ vreint. Trẏdẏd
ẏỽ llafur kẏfreithaul a wnelher ar tir ẏ|bo
gweỻ ẏ tir ohonaỽ. O|r keis dẏn ran o
tir gan ẏ gereint gwedẏ ẏ|bo ẏn hir ẏn
aỻtuded rodet hweugeint udunt ẏg gobẏr
gỽarchadỽ o|r canhadant ran idaỽ heb gỽẏn.
Pỽẏ bẏnhac a|wnel brat arglỽẏd. neu a
wnel kẏnỻỽẏn ef a gẏll tref ẏ tad. Ac o|ke+
hir crogadỽẏ vẏd. Onẏ cheffir a|mẏnnu
kẏmot o·honaỽ ac a arglỽẏd a chenedẏl. tal
deu·dẏblẏc a daỽ arnaỽ o dirỽẏ a galanas.
Ac o|r kẏrch lẏs ẏ pap a dẏuot llẏthẏr gantaỽ
a dangosso ẏ rẏdhau o|r pap. tref ẏ|tat a geiff.
Trẏdẏd achaỽs ẏ chẏll* dẏn tref ẏ tat. o enkil
ohonaỽ ẏ ỽrth ẏ tir oc na aỻo godef ẏ beich a|r
gwassanaeth a vo arnaỽ. O|r dẏrẏ brenhin
tir ẏ dẏn trỽẏ gẏfreith. nẏ digaỽn etiued