Breudwd Rhyddiaith Gymraeg 1300-1425
English

LlB Llsgr. Harley 958 – tudalen 47v

Llyfr Blegywryd

47v

P an ranho brodẏr tref eu tat ẏ·rẏdunt
ẏ ieuhaf a geiff tẏdẏn a hoỻ a·deil
ẏ tat. ac ỽẏth erỽ o tir. A|e gaỻaỽr a|e
uỽẏaỻ gẏnnut. a|e gỽỻtẏr kanẏ eiỻ
tat rodi i neb ẏ tri hẏnnẏ namẏn ẏ|r mab
ieuhaf. A|chẏn gỽẏstler nẏ dẏgỽẏdant bẏ+
th. Odẏna kẏmeret pop braỽt eissẏdẏn
ac ỽẏth erỽ. A|r mab ieuhaf a ran ac o
hẏnaf ẏ gẏlẏd dewẏs hẏt at ẏ ieuhaf.
Teir gweith ẏ rennir ẏr vn tref tat rỽg
teir grad kenedil. ẏn gẏntaf rỽg brodẏr.
Eil weith rỽg kefẏnderỽ. Trẏdẏd ran
rỽg keferderỽ. Odẏna nẏt oes ran pri+
aỽt ar tir. Nẏ dẏlẏ neb gofẏn atran o+
nẏt ẏ neb nẏ chauas ran dewis. Odẏna
ẏ diaerheb ẏssẏd. nẏd oes warthal gan de+
wis. Nẏ cheiff neb tir ẏ gẏt·etiued. me+
gẏs ẏ vraut. neu ẏ gefẏnderỽ. neu ẏ gẏf+
erderỽ gan ẏ ouẏn trỽẏ ẏr vn kẏt·etiued
hỽnnỽ a|uey uarỽ heb etiued idaỽ o|e gorff
namẏn gan ẏ ouẏn trỽẏ vn o|e rẏeni a
uu perchen ẏ tir hỽnnỽ hẏt varỽ. ae|tat.
ae hentat ae gorhen  tat. |tir hỽnnỽ
a|geiff. os ef nessaf car ẏ|r marỽ. Gỽe+
dy ranho brodẏr teref eu   tat ẏ·rẏd+
unt. o|r bẏd marỽ vn o  honunt