Breudwd Rhyddiaith Gymraeg 1300-1425
English

LlB Llsgr. Harley 958 – tudalen 47r

Llyfr Blegywryd

47r

ir naỽuetdẏd racuẏr ac na chaffo barn o
uẏỽn ẏ gaẏaf. kaẏedic uẏd ẏ gỽanhỽẏn
ẏn|ẏ herbẏn. Nẏt reit arhos naỽuetdẏd
am teruẏnu tir. namẏn pan vẏnho ẏ|bren+
hẏn a|r gỽẏrda teruẏnadỽẏ uẏd. Ac nẏ
dẏlẏir arhos naỽuetdẏd rỽg dẏlẏedaỽc
ac anẏlẏedaỽc a gẏnhalẏo tir ẏn|ẏ erbin.
kẏt dangosso dẏlẏedaỽc ẏ|dẏlẏet o pleit
ẏ rẏeni trỽẏ ach ac etrẏt. Teir etiuedẏ+
aeth kẏfreithaỽl ẏssẏd. a trẏgant ẏn di+
lis ẏ|r etiuedẏon. vn ẏỽ etiuedẏaeth trỽẏ
dẏlẏet o pleit rẏeni. Eil ẏỽ etiuedẏaeth
a gaffer o amot kẏfreithaỽl ẏ gan perch+
en ẏr gwerth. Trẏdẏd ẏỽ etiuedẏaeth a|gaf+
fer trỽẏ amot kẏfreithaỽl o vod perchen
heb werth. O|r gỽneir eglỽẏs o ganhat
ẏ brenhin ẏ mẏỽn taẏaỽctref. Ac effeirat
ẏn efferenu ẏndi. a|e bot ẏn gorfflan hi. rẏd
uẏd ẏ tref honno o hẏnnẏ aỻan. Pỽẏ
bẏnhac a holo tir eglỽẏssic. nẏt reit arhos
naỽuetdẏd ẏmdanaỽ. namẏn agoret uẏd
gỽir idaỽ pan ẏ gouẏnho. O|r kẏmer
taẏaỽc brenhin mab breẏr ar vaeth gan+
hat ẏ brenhin.  kẏfrannaỽc uẏd ẏ mab
maeth ar   tref tat ẏ taẏaỽc mal vn
    o|e veibon e|hunan.