Breudwd Rhyddiaith Gymraeg 1300-1425
English

LlB Llsgr. Harley 958 – tudalen 41r

Llyfr Blegywryd

41r

ẏ hegỽedẏ kẏt adaỽho ẏ gỽr. o glafri. Ac eis+
seu kẏt. A drẏc·anadẏl. Teir gỽeith ẏ keif
gỽreic ẏ hỽẏnebwerth. kẏntaf ẏ keẏff. hwe+
ugeint. r eilweith. punt. Y|trẏded weith
ẏ dichaỽn adaỽ ẏ gỽr a mẏnet a|e hoỻ dẏlẏ+
et genthi. Ac os diodef hi dros ẏ trẏded we+
ith. nẏ cheiff hi ỽẏnebwerth. Onẏ wna mo+
rỽẏn a uẏnho o|e chowẏỻ kẏn ẏ chẏuot ẏ
bore o|e gỽelẏ ẏ ỽrth ẏ gỽr. ẏg·kẏt ẏ bẏd ẏrẏ+
dunt o hẏnnẏ aỻan. O rodir morỽẏn aed  ̷+
uet ẏ ỽr. ac o|r dẏweit ẏnteu nat oed uorỽẏn
hi. tẏghet ẏ uorỽẏn ar ẏ phẏmhet o|r dẏnẏ+
on nessaf idi. nẏt amgen hi. a|e|that a|e mam
a|e braỽt a|e hwaer. vod ẏn gelwẏd hẏnnẏ.
A|e dẏuot hi attaỽ ef ẏn uorỽẏn. o|r oed aed  ̷+
uet hi o vronneu a|chedor. A dẏuot teithi oet+
ran gỽreic idi. Os tewi a wna ef ẏn gẏntaf
a bot genthi ẏr eilweith a|chẏscu gẏt a hi hẏt
ẏ bore. kẏt as kaffei ef hi ẏn wreic ẏ weith
gẏntaf. nẏ dẏchaỽn ef dỽẏn dim o iaỽn
morỽẏn rocdi. Os ẏn|ẏ ỻe val ẏ gỽẏppo ef
hẏnnẏ ẏ kẏchwẏn at ẏ neithaỽrwẏr ẏ dẏ+
wedut hẏnnẏ. Onẏ watta hi ẏn|ẏ erbẏn ef.
a|thẏstu o·honaỽ ẏnteu hẏnnẏ ẏ|r gwẏr. nẏ
cheiff hi dim o|e iaỽn. Tri llỽ a|dẏrẏ gỽreic