LlB Llsgr. Harley 958 – tudalen 40v
Llyfr Blegywryd
40v
ẏ telir ẏ hamobẏr. Gỽreic a dẏcker ẏn
lathrut ac nẏ wnel amot ẏ|gỽyth tẏston
ar gaffel iaỽn o gỽbẏl. nẏ cheiff herwẏd
gwẏr gỽẏned onyt tri eidon. herwẏd gwẏr
ẏ deheu hi a|gahei gẏnt ẏ hegỽedi yn hoỻaỽl
megẏs gỽreic a rodeit* ẏ chenedẏl. Y neb a
dẏcco morỽẏn ẏ* ỻathrut. A|dẏwedut o|r vo+
rỽẏn. pẏ veint a rodẏt|i imi. A|dẏwedut o·ho+
naỽ mi a rodaf itt ẏ veint hon. a|chadarnhau
hẏnnẏ ar ẏ gret ac uch creireu. Os gwatta
gwedẏ hẏnnẏ. kẏmeret hi ẏ creireu a|thẏg ̷ ̷+
het idaỽ adaỽ ẏ veint hon. Ac ueỻy nẏ eiỻ dẏ+
wedut dim ẏn|ẏ herbẏn. kanẏs credadỽẏ ẏỽ
ẏ tẏstolẏaeth hi e|hunan ẏn|ẏ ỻe hỽnnỽ. Y
neb a dẏcco treis ar wreic. ẏ hamobẏr a|e dẏ+
rỽẏ a|tal ẏ|r arglỽẏd. Ac ẏ|r wreic ẏ|tal ẏ sar+
haet a|e hegỽedẏ a|e dilẏssrỽẏd. Os gỽa+
dỽ a|uẏn ẏ gỽr. ac os kadarnha ẏ wreic ẏ+
n|ẏ erbẏn. kẏmeret hi ẏ|gala ef ẏn|ẏ ỻaỽ hi
ẏr asseu. a|thẏghet hi ẏr dỽẏn treis o·honaỽ
ef erni hi. Ac ueỻẏ nẏ chẏỻ hi dim o|e iaỽn.
Y neb a watto treissaỽ gỽreic rodet lỽ deg+
wẏr a deugeint. neu dirỽẏ treis. Nẏt oes
ẏg|kẏfreith hẏwel da ẏspadu gỽr ẏr treẏs+
saỽ gỽreic. O tri achaỽs nẏ chẏỻ gỽreic
| « p 40r | p 41r » |