Breudwd Rhyddiaith Gymraeg 1300-1425
English

LlB Llsgr. Harley 958 – tudalen 3r

Llyfr Blegywryd

3r

weetto mae ef a dẏrẏ naỽd drostunt oỻ
ẏ paỽb o r a|e keisso ẏ gantaỽ ẏn ẏr enỽ ẏ
keisser Naỽd brenhines ẏỽ dỽẏn  dn
y rodo naỽd idaỽ dros fin ẏ wlat heb erlit
heb ragot. Naỽd ẏ penteulu ẏỽ dỽẏn
ẏ dẏn dros fin ẏ kẏmhỽt ẏ bo ẏndaỽ. 
Naỽd ẏr effeirat teulu ẏỽ dỽẏn ẏ dẏn
hẏt ẏr eglỽẏs nessaf idaỽ. Naỽd ẏ dis+
tein ẏỽ o|r pan dechreuho seuẏỻ ẏn|ẏ sỽ+
ẏd ẏnẏ el ẏ dẏn diwethaf o|r ỻẏs ẏ gẏscu.
Naỽd ẏr hebogẏd ẏỽ hebrỽg ẏ dẏn hẏt ẏ
lle pellaf ẏ bu ẏ dẏd hỽnnỽ ẏn|ẏ hebogẏdẏ+
aeth Naỽd ẏ braỽdỽr ẏỽ hebrỽg dẏn ky+
hẏt o amser. ac o|r pan dechreuher dadẏl
rac ẏ vron ẏ bore. hẏt pan teruẏnho ẏ da+
dẏl diwethaf ẏn|ẏ dẏd hỽnnỽ. Naỽd pen+
gwastraỽt ẏỽ tra parhao redec ẏ march
kẏntaf a|uo ẏn|ẏ gadỽ. Naỽd ẏ penkẏnẏd
hẏt ẏ ỻe peỻaf ẏ breid glẏỽher ẏ gorn.
Naỽd ẏ gỽas ẏstaueỻ ẏỽ o|r pan elher ẏ
vrỽẏnha a|thannu gỽelẏ ẏ brenhin o|r
brỽẏn a|e kudẏaỽ a|e diỻat ẏr hẏt honno
hebrỽg ẏ dẏn. Naỽd distein brenhines
ỽ o|r pan dechreuho seuẏỻ sỽẏd ẏn ẏr ẏsta+
ueỻ hẏt pan el ẏ dẏn diwethaf o r ystaueỻ
y gysgu Naỽd ẏr effeirat brenhines ẏw