Breudwd Rhyddiaith Gymraeg 1300-1425
English

LlB Llsgr. Harley 958 – tudalen 39r

Llyfr Blegywryd

39r

geint ẏn|ẏ chowẏỻ. a phedeir ar|huge+
int ẏn|ẏ gobẏr. Os gwedẏ ẏ seith mlẏ+
ned ẏ gat. bit ran deu hanher ẏ·rẏdunt
onẏt breint a dẏrẏ ragor ẏ|r gỽr. Deu+
parth y plant a daỽ ẏ|r gỽr ẏr hẏnaf. a|r
ieuaf. a|r traẏan ẏ|r vam. Os agheu a|e gỽa+
han. bit ran deu hanher ẏ·rẏdunt o pop
peth. Sarhaet gỽreic ỽrẏaỽc. herwẏd
breint ẏ gỽr ẏ diwẏgir idi. nẏt amgen
herwẏd breint ẏ gỽr ẏ rodet idaỽ. Gỽr
a eiỻ. ẏn rẏd gadu ẏ wreic ẏn rẏd. o|r gỽ+
na hitheu ẏr gỽr araỻ ẏn honheit. Ac nẏ
cheiff hi dim o|e iaỽn eithẏr tri pheth nẏ
dẏgẏr rac gỽreic. A|r gorderch a|tal ẏ sar+
haet ẏ|r gỽr kẏfreithaỽl. O|r dẏweit gỽ  ̷+
reic eir kẏwilẏdẏus ỽrth ẏ gỽr talet ẏ|r
gỽr teir bu camlỽrỽ kanẏs ẏ harglỽẏd
ẏỽ. neỽ trawet hi a gỽialen kẏhyt a|e
cupẏt tri dẏrnaỽt ẏ ỻe ẏ mẏnho eithẏr
ẏ pen. O|r maed gỽr ẏ wreic heb achaỽs
talet. ẏ sarhaet idi herwẏd ẏ breint. O|r
edeu gỽreic gwelẏ ẏ gỽr heb achaỽs. talet
idaỽ teir bu camlỽrỽ kẏn|ẏ chẏmrẏt idaỽ
tracheuẏn. O|r ẏscar gỽr a|e wreic gẏf+