LlB Llsgr. Harley 958 – tudalen 37v
Llyfr Blegywryd
37v
hin ẏỽ teir bu a|thri ugein mu heb drẏ+
chauel. Y sarhaet ẏỽ teir bu heb achwa+
nec. Gwerth aỻtut breẏr ẏỽ hanher
werth aỻtut brenhin. A|e sarhaet ueỻy.
Gwerth aỻtut bilaen yỽ hanherwerth
aỻtut breẏr. A|e sarhaet val hẏnnẏ. Bren+
hin a geiff traẏan pop galanas o|r a|gẏm+
heỻo ỻe nẏ aỻo kenedẏl gẏmheỻ. Ac a
gaffer o da ẏ ỻofrud o|r prẏt ẏ gẏlẏd. Ẏ
brenhin bieu. Punt a hanher ẏỽ gỽerth
kaeth tra·mor. Os o|r ẏnẏs hon ẏd henuẏd
punt ẏỽ ẏ werth. Ac ueỻẏ o|r bẏd anafus
neu rẏ hen. neu rẏ|ieuanc. nẏt amgen
ỻei noc ugein mlỽẏd punt ẏỽ ẏ werth.
A deudec keinhaỽc ẏn|ẏ sarhaet. hwech
cheinaỽc dros teir ỻath o vrethin gwẏn
ẏ wneuthur peis idaỽ. A|their keinhaỽc
dros laỽdẏr. A cheinaỽc dros ẏ gurẏaneu
a|e dẏrnuoleu. vn dros ỽdẏf neu uỽeỻ os
coetỽr uẏd. vn dros raff deudec kẏfeli+
naỽc. Teir gỽeith ẏ drẏcheif ar sarha+
et gỽr a ẏmreher ẏ wreic ẏ treis. neu a
dẏcker ẏ ỽrthaỽ. Y neb a dẏweto ar a+
raỻ sarhau ẏ gorff os gwatta hỽnnỽ. gỽa+
| « p 37r | p 38r » |