Breudwd Rhyddiaith Gymraeg 1300-1425
English

LlB Llsgr. Harley 958 – tudalen 36r

Llyfr Blegywryd

36r

rifer ẏ·gẏt ỽẏt* punt a phetwar ugein
punt. Pedeir ar hugeint ẏỽ gỽerth gwa+
et pop rẏỽ dẏn. Dec ar hugeint uu werth
gwaet crist. Ac anheilỽg ẏ gỽelat uot gỽa+
et duỽ a gỽaet dẏn ẏn vn werth. Ac ỽrth
hẏnnẏ gỽaet dẏn ẏssẏd lei ẏ werth. Gwer+
th racdant dẏn. pedeir ar|hugeint. gan dri
drẏchauel. Gwerth kildant dẏn. dec a deu
ugeint arẏant. Pan talher racdant gỽe+
rth creith o·gẏfarch a|telir gantaỽ. Gỽerth
creith o·gẏfarch ar ỽẏneb dẏn hweugeint
ẏỽ. Os ar ẏ laỽ ẏ bẏd. trugeint a|tal. Dec
ar hugeint os ar ẏ troet ẏ byd. Sarhaet
dẏn pan a·daỽher creith o·gẏfarch ar ẏ|tro+
et a telir gẏt ac vn drẏchauel. Os ar ẏ
laỽ ẏ bẏd gan deu drẏchauel. OS ar ẏ
ỽẏneb gan tri drẏchauel ẏ telir. 
O |R trewir dẏn ar ẏ pen hẏt pan wel+
her ẏr emenhẏd. neu o|r brethir ẏn|
arch ẏnẏ del ẏ amyscar ẏ maes. neu tor+
ri ascỽrn mordỽẏt dẏn. neu ascỽrn breich.
Dros pob vn o hẏnnẏ teir punt a telir
idaỽ kanẏs ẏm|perẏgẏl o|e eneit ẏ bẏd o
pop vn o hẏnnẏ. Hyn a|telir ẏ vrathedic
y bo reit idaỽ weith medic gẏt a|e sarhaet