Breudwd Rhyddiaith Gymraeg 1300-1425
English

LlB Llsgr. Harley 958 – tudalen 34r

Llyfr Blegywryd

34r

naỽc. ef a|e perchen a|e pieiuẏd. Gwerth
ỻostlẏdan. hweugeint ẏỽ. Gwerth beleu.
pedeir ar|hugeint ẏỽ. 
O |R ỻedir kẏ neu o|r dẏgir ledrat camlỽ+
rỽ a telir drostaỽ. Dros gi kẏndeiraỽc
na thros ẏ drỽc a|wnel. nẏ diwẏgir dim.
LLỽ vn dẏn ẏssẏd gỽbẏl ẏ wadu ki. Gỽerth
keneu geỻgi brenhin kẏn a·gori ẏ lẏgeit
pedeir ar|hugeint. ẏn|ẏ growẏn. ỽẏth a deu+
geint a tal. n|ẏ gẏnllỽst. vn ar pẏmthec
a phetwar ugeint a tal. Ẏn|ẏ ouer helẏ. hwe+
ugeint. Pan uo kẏfrỽẏs. punt. Sef a tal
milgi brenhin o|r dechreu hẏt ẏ diweth. han+
her kẏfreith geỻgi brenhin gogẏfoet ac ef.
Y neb a torho ỻẏgat gellgi brenhin. neu ẏ los+
cỽrn talet pedeir keinhaỽc ẏ|r brenhin ẏg
kẏfeir pop buch a talho y ki. Un aneueil a
a o pedeir keinhaỽc ẏ punt ẏn vn dẏd. geỻ+
gi. os taẏaỽc bieiuẏd pedeir keinhaỽc uẏd ẏ
werth. Ac o rodir y|r brenhin punt a tal. A+
mỽs ẏn pori aỻan. a milgi heb ẏ torch. coỻi
eu breint a wnant. Vn|werth ẏỽ geỻgi bre+
ẏr. a|milgi brenhin gogẏfoet ac ef. Gwerth
keneu kostaỽc bilein. kẏn a·gori ẏ lẏgeit. kei+
naỽc. ẏn|ẏ growẏn. dỽẏ geinaỽc. ẏg kẏnllỽst
teir keinaỽc. ẏn rẏd pedeir keinaỽc cotta a