LlB Llsgr. Harley 958 – tudalen 32v
Llyfr Blegywryd
32v
thẏr kẏmeint a|e dẏlẏet pan vo marỽ. Naỽ+
dỽr brenhin. hweugeint uẏd ẏ ebediỽ. A|hỽn+
nỽ a elwir gwassafỽr. Y neb a vo marỽ ar
tir dẏn araỻ. vn ar pẏmthec a telir. dros ẏ va+
rỽ·tẏwarchen. Y tẏ kẏntaf a loscer ẏn|ẏ
tref o waỻtan. talet ẏ deu tẏ kẏntaf a en+
nẏnho gantaỽ vn o pop parth idaỽ. Y neb
a uenfẏccẏo tẏ a than ẏ dẏn araỻ. o|r kẏn ̷+
neu hỽnnỽ tan teirgweith ẏn|ẏ tẏ. cỽbẏl
tal a geiff ẏ gantaỽ o|r ỻẏsc. Pỽẏ bẏnhac
a adaỽho tan ẏ mẏỽn odẏn venfic. a dẏuot
araỻ ẏ at·gẏnneu ẏ tan. a|ỻosci ẏr odyn. ỽẏnt
eỻ deu a|e tal ẏn deu hanner ẏ|r perchen. Os
ẏ kẏntaf hagen a diffẏd ẏ tan oỻ neu a
gẏmer ffẏd ẏ gan ẏr eil ar diffodi ẏ tan kẏn
ẏ adaỽ. nẏ thal ẏ kẏntaf dim drosti kyt ỻosco
gwedẏ hẏnnẏ. Odẏn biben brenhin. hweu+
geint a tal. Odẏn breẏr trugeẏnt a tal.
Odẏn eiỻt brenhin. dec ar hugeint. Odẏn
eiỻt breẏr. pedeir ar|hugeint. Pop odẏn ar
nẏ bo piben idi. traẏan ẏ gỽerth a dẏgỽẏd.
R ẏd ẏỽ ẏ|r brenhin hela ẏm pob ỻe ẏn|ẏ wlat
pẏ le bẏnhac ẏ gordiweder hẏd a uo kẏnẏ+
dẏon ẏ brenhin ẏn|ẏ hela. nẏ cheiff neb hwar+
thaỽr tir o·honaỽ. O|r ỻedir hẏd brenhin y
myỽn tref breẏr ẏ bore. katwet ẏ breẏr
ef hyt hanher dyd. Ac o|r doant ẏ kẏnẏdẏon
| « p 32r | p 33r » |