Breudwd Rhyddiaith Gymraeg 1300-1425
English

LlB Llsgr. Harley 958 – tudalen 30r

Llyfr Blegywryd

30r

hat ẏỽ idaỽ tewi heb dadleu dim tra vẏn*+
hal tauodẏaỽc. Y neb a uẏnho tẏstu gwaỻ
ẏ mẏỽn dadẏl ẏn erbẏn perchen tauodẏ+
aỽc. tẏstet ar ẏ tauodẏaỽc kanẏ eỻir pro*
vn gwaỻ ar ẏ perchen. kanẏs canhat ẏỽ
idaỽ trỽẏ gẏfreith tewi tra vo|r dadẏl oỻ.
Llẏssu ẏ tẏston a vẏd val ẏ dewisso ẏ tauo+
dẏaỽc ae trỽẏ alanas o|e pleit e|hunan. Ae
trỽẏ alanas o pleit ẏ perchen kanẏs ẏn
eu herbẏn eỻ deu ẏ tẏstir. N|dẏlẏir rỽẏ+
maỽ vn dadẏl trỽẏ tẏstolẏaeth ar waỻaỽ  ̷+
geir heb ganhat ẏ brenhin o|r perthẏn id+
aỽ dirỽẏ neu uỽẏ am ẏ dadẏl onẏ tẏstir.
kanẏs o|r ỻẏssir nẏ|cheiff ẏ brenhẏn dim.
Ac onẏ ỻẏssir nẏ cheiff mỽẏ no|chamlỽrỽ.
O s keitwat a gẏỻ adneu heb goỻi ẏ da
e|hunan. ef a tal ẏ coỻet oỻ o gẏfreith.
ẏuẏr Kẏnaỽc a dẏweit hagen bot ẏn haỽs
ẏ gredu ef o|r dẏgẏr ẏ da ef ẏn ỻedrat gẏt.
a|r ỻaỻ a gwelet torr ar ẏ tẏ. ef a|dẏlẏ ha+
gen tẏghu a dẏnẏon ẏ tẏ gantaỽ ẏ vot ef ẏn
iach o|r da hỽnnỽ. O|r cledir ẏ daẏar hagen ẏ+
dan ẏ tẏ gwedy gwenel ef ẏ gẏfreith ẏ vot
ẏn iach. brenhẏn bieu daẏar ac nẏ dẏlẏ
keitwat vot drosti. O|r dỽc dẏn da ar geit+
wat ẏ gadỽ. a|choỻi peth o|r da. A bot ẏmdae+