Breudwd Rhyddiaith Gymraeg 1300-1425
English

LlB Llsgr. Harley 958 – tudalen 2v

Llyfr Blegywryd

2v

ỽrth vrenhinaỽl vreint. kanẏs pieiffont.
Ac o·honunt oỻ breinholaf ẏỽ ẏr etlẏg ka+
nẏs ef a leheir ẏn ẏ ỻe ẏ gỽrthtrẏchir teẏr+
nas ohonaỽ ỽrth gẏfeistẏdẏaỽ ỻẏs. Eissẏ+
oes o|r pan gẏmerhont tir. eu breint a|uẏd
ỽrth vreint ẏ tir a gẏnhalẏont. 
O |R pan eistedo brenhin ẏn|ẏ eistedua +
n|ẏ teir gỽẏl ar·benhic. ef a lehaa ar
ẏ asseu neb vn bonhedic a|uo breint idaỽ o
etiuedẏaeth eisted|ach ẏ laỽ. kygheỻaỽr
ach laỽ hỽnnỽ. gỽedẏ ẏnteu ẏr hebogẏd.
Ac ar ẏ deheu ẏ neb a uynho. Ac odẏna eiste+
dent paỽb ac ẏmparchent mal ẏ mẏnhont
 troedaỽc a eisted dan draet ẏ brenhin a r
canhỽẏỻẏd rac ẏ vron. 
O  R pan saffo ẏ distein ẏn|ẏ neuad a do+
di naỽd duỽ a|r hon ẏ brenhin a r vren+
hines a|r gỽẏrda ac eu tagnef ar ẏ ỻẏs a|r ni+
uer a|torho ẏ tagnef honno. nẏt oes idaỽ na+
ỽd ẏn vn ỻe. kanẏs eu naỽd oỻ ẏn gẏffre+
din ẏỽ honno. ac ẏ ar nodeu paỽb. naỽd
ẏ brenhin ẏn penhaf. Ac ỽrth hẏnnẏ nyt
oes naỽd idaỽ i|gan vn o·honunt nac ẏ|gan
greireu nac ẏ gan eglỽẏs. Nẏ dẏchaun
vn o sỽẏdogẏon ỻẏs rodi naỽd onẏ bẏd
vn o·honunt ẏn seuẏỻ drostunt oỻ a dẏ+