LlB Llsgr. Harley 958 – tudalen 24r
Llyfr Blegywryd
24r
hẏt* eu hagheu. Os eu meibon a daỽ ẏ
erchẏ datanhud; mab ẏ dẏlẏedaỽc a geif
datanhud o|gỽbẏl pẏ brẏt bẏnhac ẏ del.
Odẏna o|r doant etiuedẏon vn|rad ẏ·gẏt
ac ẏn ẏr vn amser ẏ ouẏn datanhud. me+
gẏs brodẏr o tir eu tat. neu keuẏnde+
rỽ. neu geuerderỽ o tir eu tadeu. ẏr hỽn
a gẏnhelis eu tadeu ẏn diran wers tra
gỽers hẏt varỽ. nẏ dẏchaỽn vn o·honunt
gỽrth·lad ẏ llaỻ na|e oedi. namẏn pob vn
a geif ran datanhud. Pỽẏ|bẏnhac a gẏmer+
ho tir ẏ tat kẏn no|r braỽt hẏnaf. ẏ braỽt
hẏnaf a|e gỽrthlad ef o gỽbẏl. Ac ẏnteu a
geif ẏ datanhud o gỽbẏl. Ac o|r bẏd marỽ ẏr
hẏnaf mẏỽn ẏ datanhud diran ẏ vab a ge+
iff elchỽẏl datanhud cỽbẏl ẏn erbẏn paỽb.
Tri rẏỽ vreint ẏssẏd. breint anẏanaỽl.
A breint sỽẏd a breint tir. Tri phriodol+
der ẏssẏd ẏ pob dẏn. Rẏỽ. A breint. Ac e+
tiuedẏaeth. Etiuedẏaeth hagen herwẏd
breint. Breint herwẏd rẏỽ. Rẏỽ herwẏd
ẏ gwahan a vẏd rỽg dẏnẏon herwẏd
kẏfreith. megẏs ẏ gwahan a vẏd rỽg
dẏnẏon herwẏd kẏfreith. megẏs ẏ gwa+
han brenhin ẏ gan hỽchelỽr. Gỽr. a gỽ+
reic. hẏnaf a ieuhaf. breẏr a bilein.
| « p 23v | p 24v » |