Breudwd Rhyddiaith Gymraeg 1300-1425
English

LlB Llsgr. Harley 958 – tudalen 22v

Llyfr Blegywryd

22v

neu a uo mỽy. A ỻeidẏr da bẏwaỽl a dal+
her croen ar ẏ liỽ gantaỽ ac nẏ diheurher
am ẏ llỽdẏn o gỽbẏl. Tri ỻeidẏr a dieinc
o ledrad kẏfadef. reudus a grỽẏttro teir
tref a naỽ tei ẏm|pob tref heb gaffel nac
alwissen a|e gwaretto nac* gwestua. kẏt
dalher a ỻedrat ẏmbordh gantaỽ. rẏd uẏd
o gẏfreith. A gwreic o gẏt·ledrat a|e gỽr pri  ̷+
aỽt. A ỻeidẏr edẏn. kẏfreith a|e rẏdha ei+
thẏr talu gwerth kẏfreith ẏr edẏn a duc
o|e perchennaỽc. O dri mod ẏ telir dirỽy
treis vn ẏỽ pan baỻo ẏ reith ẏ dẏn ẏn
gwadu treis. Eil ẏỽ pan baỻo ẏ am·dif+
fẏn ẏr am·diffẏnnỽr ẏn erbẏn dẏn. Trẏ+
dẏd ẏỽ pan ballo ẏ warant ẏ dẏn a|e gal+
wo ẏ dadẏl dreis. O tri mod ẏ kẏỻ dadẏl
dreis ẏ breint mỽẏaf. o paỻỽ teithi treis.
Ac o tẏstolẏaeth uẏwaỽl ẏn dadẏl treis. Ac
o gỽẏnaỽ o haỽlỽr dỽẏn o|e eidaỽ ef ẏr hẏn
a ducpỽẏt ẏ treis rac araỻ. Ac nẏt ẏ gantaỽ
ef nẏt mỽẏ hagen ẏ reith ẏn|ẏ tri phỽnc hẏn
no ỻỽ tri dẏn. Ac nẏt mỽẏ ẏ dial no their
bu camlỽrỽ. onẏ eỻir ẏ gwadu ẏn gỽbẏl
neu ẏ hamdiffẏn. Vn o|tri a gẏỻ ẏ neb
a treisser. Ae ẏ dẏn. Ae ẏ dir neu da araỻ
kẏchwẏnaỽl. Ae ẏ vreint. Tri rẏỽ amdif+