Breudwd Rhyddiaith Gymraeg 1300-1425
English

LlB Llsgr. Harley 958 – tudalen 21r

Llyfr Blegywryd

21r

a seif am tir heuẏt. A gweithret kẏt+
leidir lleidẏr a|grocker am ledrat. Tẏs+
tolẏaeth hỽnnỽ ar ẏ gẏtleidẏr a seif.
Tri gwaessaf ẏssẏd. ardelỽ. neu wa+
rant. neu amdiffẏn heb warant. Tri
chof gwedẏ braỽt ẏssẏd. godef o vraỽd+
ỽr gwẏstẏl ẏn erbẏn ẏ vraỽt heb rodi gỽẏ+
stẏl ẏna. A gwedy hynnẏ kẏnnic gỽẏstẏl
|ỽ gadarnhau. nẏ dẏlẏir ẏ erbẏnẏaỽ o
gẏfreith o·nẏ bẏd braỽt tremẏc. neu gẏn+
nẏc gỽẏstẏl ẏn erbẏn braỽt gỽedẏ ẏ godef
neu adaỽ ẏmadraỽd ẏn waỻus ar kẏfre+
ith a barn. A gwedẏ barn. keissaỽ gwaret
|gwaỻ. nẏ|s dẏlẏ. Teir tẏstolẏaeth di+
lis ẏssẏd. tẏstolẏaeth ỻẏs ẏn dỽẏn cof. A
thẏstolẏaeth gỽẏbẏdẏeit a gredir pob vn
ẏg|kẏfreith megẏs tat ẏ·rỽg  deu vab.
neu ẏn ỻuossaỽc am tir. A|thẏstolẏaeth
gỽrth·tẏston. Tri ỻe ẏ tẏuỽẏs cof llẏs. Am
gẏfundeb dỽẏ pleit. Ac am teruẏn dadẏl
o|r daỽ kẏghaỽs. Vn ẏn dẏwedut ẏ|ther+
uẏnu. ac araỻ ẏn dẏwedẏt na|theruẏ+
nỽẏt. Ac am aghẏfreith a wnel arglỽẏd
a|e dẏn ẏn llẏs. Teir tẏstolẏaeth varwaỽl
ẏssẏd; tẏstu ar dẏn kẏn ẏ holi o|r hẏn a tẏs+