Breudwd Rhyddiaith Gymraeg 1300-1425
English

LlB Llsgr. Harley 958 – tudalen 20v

Llyfr Blegywryd

20v

reith. golỽc tẏst o|e tẏstoỻẏaeth. A golỽc
managẏat o|e vanac. A golỽc ỻẏgatrud k+
lus am lad neu losc. neu ledrat. Tri geir
kẏlus ẏssẏd. geir ẏ bo gỽeli tauaỽt. A gwa+
aỽgeir ẏn ỻẏs. A|thauaỽtrudẏaeth am lad
neu losc neu ledrad. Tri rẏỽ waỻaỽgeir
ẏssẏd. geir gwaỻ ẏn holi o rỽẏ|neu eisseu
A|geir gwaỻ ẏn amdiffẏn o rỽẏ neu eisseu
A geir gwaỻ ẏn gwadu. O|r kẏntaf ẏ kẏỻ
haỽlỽr ẏ haỽl o|r a perthẏno ỽrth ẏ|geir o|r
dẏgir tẏston ẏn|ẏ erbẏn ac nẏ chẏỻ cam+
lỽrỽ. kanẏt oes gamgỽẏn kẏlus ẏg kyf+
reith eithẏr tri. O|r eil neu o|r trẏdẏd ẏ
kẏỻ amdiffẏnỽr camlỽrỽ. A|diuỽẏn ẏr
haỽl o|r a perthẏno ỽrth ẏ geir ẏ tẏstỽẏt
o|e waỻ. Tri theruẏn haỽl ẏssẏd. gwa+
du. neu proui. neu lẏssu tẏston. Tri
pheth nẏ chẏgein ẏg|kẏfreith. praỽf ar
weithret eithir tri. A gwat dros waessaf.
A chof gwedẏ braỽt. Tri gweithret ẏs+
sẏd ar praỽf ỻafur kẏfreithaỽl. neu wneu+
thur fin. neu lafur araỻ. A gweithret ỻỽ
dẏn ẏn ỻad araỻ ẏ|gỽẏd bugeil trefgord.
Tẏstollẏaeth ẏ bugeil ẏn ỽẏbẏdẏat a seif
am hẏnnẏ. Tẏstolẏaeth gỽẏbẏdẏeit