Breudwd Rhyddiaith Gymraeg 1300-1425
English

LlB Llsgr. Harley 958 – tudalen 18v

Llyfr Blegywryd

18v

gỽedẏ gwatter o genedẏl ẏ tat ẏn|gẏfreith+
aỽl a|thref·tadaỽc pan del ẏ dẏlẏs gỽedẏ ẏ
bo ẏn arglỽẏdiaeth araỻ. o iaunder nẏt ẏm+
choel trachefẏn. O tri achaỽs ẏ gossodet kẏf+
reith. Kẏntaf ẏỽ ẏ geissaỽ dẏsc rac gỽneuth+
ur aghẏfreith. Eil yỽ   ẏr gỽaret aghẏf+
reith o|r darffei ẏ gỽneuthur. Trẏdẏd ẏỽ ẏr
cospi ẏ neb a wnelhei aghẏfreith trỽẏ dẏ+
rỽẏ a|chamlỽrỽ a|r kẏfrẏỽ a|dẏlẏhei. Tri
hỽrd nẏ diwegẏr. vn ẏỽ hỽrd gỽr ac araf
ẏn|ẏ elẏn am ẏ gar gwedẏ as gofẏnho ẏn
tri dadleu a heb gaffel iaỽn. Kẏt as ỻatho
nẏ|s dẏỽc. Eẏl ẏỽ hỽrd gỽreic ỽrẏaỽc ẏn|
chẏỽwẏres a|e dỽẏ·laỽ ẏnẏ kẏfarffỽẏnt.
kẏt bo marỽ nẏ diwẏgir. Trẏdẏd ẏỽ o ro+
dir tỽẏlluorỽẏn ẏ ỽr. A gwedẏ ẏ phroui
ẏ chaffel ẏn tỽẏỻuorỽẏn. a mach ar ẏ mo+
rỽẏndaỽt. kẏt|as|gỽanho a|e laỽ neu a|e troet
dros ẏ gwelẏ ac na|s ỻatho nẏ|s diỽc. Yr hỽrd
heuyt a wanho a bonỻost ẏndi. nẏ diwẏgir
idi. ỻather ẏ|chrẏs hagen ẏn gẏfuch a thal
ẏ phedrein trachefẏn. A|r tu rocdi ẏn gẏfuch
a gwarr ẏ|chont. A|e goỻỽg a|r hỽrd hỽnnỽ
ẏndi heb ẏ diuỽẏn idi. A hẏnny ẏỽ kẏfreith
tỽẏỻuorỽẏn. Tri da nẏt reit mach arnunt