Breudwd Rhyddiaith Gymraeg 1300-1425
English

LlB Llsgr. Harley 958 – tudalen 17v

Llyfr Blegywryd

17v

T ri chehẏrẏn canhastẏr ẏssẏd. vn ẏỽ
lledrat ẏ|fford ẏ kertho kẏfran o·ho+
naỽ. kanẏs naỽ affeith ẏssẏd idaỽ. Eil
ẏỽ hẏd brenhin. pỽẏ bẏnac a wnel kam
ẏmdanaỽ Trẏdẏ ẏỽ abo bleid. ẏ neb a
wnel cam ẏmdanaỽ. Tri pheth a tẏr
ar kẏfreith. Amot. A|defaỽt gẏfẏaỽn
Ac agheu. Tri edẏn nẏ dẏlyir eu ỻad
heb ganhat ar dir dẏn araỻ. erẏr. A garan
A|chicuran. pỽẏ bẏnhac a|e ỻatho. talet dec
a deugeint arẏant ẏ perchennaỽc ẏ tir. Tri
pheth o|r keffir ar fford nẏt reit atteb ẏ neb
o·honunt. Pedol. A notwẏd. A cheinaỽc. Tri
dẏn nẏ dẏlẏ ẏ brenhin eu gwerthu. lleidẏr
gwedẏ barnher ẏ groc. A|chẏnllỽẏnỽr. A|bra+
dỽr arglỽẏd. Tri enỽ righẏll ẏssẏd. gỽaed
gỽlat. A garỽ gẏchwẏl* gwas ẏ kẏghellaỽr
A righẏll. Tri ergẏt nẏ thelir dim ẏmda+
nunt. Ẏ garỽ ẏn ẏt. Tri chẏfrỽch dirgel
ẏ dẏlẏ ẏ brenhin ẏ gaffel heb ẏ ẏgnat. gẏt
a|e effeirat. A chẏt a|e wreic. A|chẏt a|e vedic.
Teir notwẏd kẏfreithaỽl ẏssẏd. notwẏd ẏs+
sẏd. notwẏd gỽenigaỽl ẏ vrenhines. A
notwẏd ẏ medic ẏ wniaỽ gỽelioed. A not+
wẏd ẏ penkẏnẏd ẏ wniaỽ ẏ kỽn rỽẏge+
dic. Gwerth pob vn o|r rei hẏnnẏ. pedeir