Breudwd Rhyddiaith Gymraeg 1300-1425
English

LlB Llsgr. Harley 958 – tudalen 12r

Llyfr Blegywryd

12r

athro. na gwereic onẏt arglỽẏdes ẏ
talaỽdẏr. na mab heb ganhat ẏ tat
tra dẏlẏo uot drostaỽ. kẏt el ẏ rei hẏn+
nẏ ẏn veicheu; nẏ dẏlẏir kẏmheỻ mech+
ni neb o·honunt. Tri ỻe ẏd ẏmdiuecha
mach kẏffadef am dẏlẏet agẏfadef. vn
ẏỽ o diwat o|r talaỽdẏr ẏ mach. Eil ẏỽ
o gaffel tẏstolẏaeth o vn o|r kẏnnogẏn ar
ẏ gẏlẏd trỽẏ ẏmhaỽl ẏn ỻẏs. Trẏdẏd
ẏỽ o ỻẏssu o vn tẏston ẏ gilẏd ẏ mẏỽn
llẏs. Tri pheth nẏ henẏnt o uechni.
Agheu. A|chleuẏt. A charchar. Tri rẏỽ
dirỽẏ ẏssẏd vn o ẏmlad. araỻ o treis. ẏ
trẏded o ledrad. Deudẏblẏc uẏd dirỽẏ
ẏn ỻẏs ac in ỻan os mam·eglỽẏs ac uch+
eỻaỽc uẏd. O ẏmlad a wnelher o uẏỽn
ẏ mẏnwent; pedeir punt ar dec a telir
Os o uaes ẏn|ẏ nodua. seith punt a|telir.
hanher ẏ punoed a daỽ ẏ|r abat os kẏf+
reithaỽl uẏd ac eglỽẏssic a|ỻẏthẏrẏaỽl
A|r hanher araỻ a daỽ ẏ|r effeirat a|r ka+
nonwẏr a uỽẏnt ẏn gwassanaethu
duỽ ẏno.  rẏỽ ran honno a|uẏd rỽg ẏr
abat a|r kanonwẏr o|r ẏmlad a|wnel
ẏ naỽdwẏr a gẏmerh·ỽẏnt naỽd ẏ gan
ẏr abat a|r effeireit. Ac ueỻẏ ẏ rennir pob