Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 8r

Llyfr Cyfnerth

8r

les y brenhin yd helyant y kynydyon hyt ga  ̷+
lan racuyr. Odyna hyt naỽuetdyd o racuyr
ny|s kyfranant ac| ef. Naỽuetdyd o racuyr y
gỽeda y|r penkynyd dangos y|r brenhin y gỽn
a|e gyrn a|e gynllyfaneu. A|e trayan o|r crỽyn.
Hyt naỽuetdyd o racuyr ny cheiff neb o|r a hol  ̷+
ho penkynyd atteb y| gantaỽ onyt vn o|r sỽyd  ̷+
ogyon llys uyd. kany dyly neb gohiryaỽ y
gilyd o|r byd a|e barnho. Penkynyd a geiff ran
deu ỽr o|r crỽyn y| gan gynydyon y gellgỽn. A
ran gỽr y gan gynydyon y milgỽn. Ac o tra  ̷+
yan y brenhin o|r crỽyn y keiff ef y trayan.
Gỽedy ranher y| crỽyn rỽg y brenhin a|r kyny  ̷+
dyon. Aet y penkynyd a|r kynydyon gantaỽ
ar dofreth ar tayogeu y brenhin. Ac odyna do  ̷+
ent at y brenhin erbyn y nadolyc y gymryt eu
iaỽn y| gantaỽ. lle y penkynyd a|r kynydyon
gantaỽ yn| y neuad. yỽ y| golofyn gyfarỽyn  ̷+
eb a|r brenhin. Corneit med a| daỽ idaỽ y| gan y
brenhin neu y| gan y penteulu. A|r eil y| gan y
vrenhines. A|r| trydyd y| gan y| distein. llamys  ̷+
ten dof pop gỽyl vihagel a geiff ef y| gan yr
hebogyd. Ancỽyn a geiff yn| y lety. Seic a| chor+
neit med. Ef bieu trayan dirỽy a| chamlỽrỽ
ac ebediỽ y kynydyon. A thrayan gobreu eu