Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 46r

Llyfr Cyfnerth

46r

y brenhin eu gỽerth py tu bynhac y llather.
Eryr. A garan. A chicuran. Perchennaỽc y tir
y llather arnaỽ a dyly dec a deu vgeint y| gan y
neb a|e llatho. Tri phryf y dyly y brenhin eu
gỽerth py tu bynhac y llather. llostlydan. a be  ̷+
leu. a charlỽnc. kanys oc eu crỽyn y| gỽneir
amaerỽyeu y dillat y brenhin. Tri pheth
ny at kyfreith eu damdỽg. blaỽt. a gỽenyn.
ac aryant. kanys kyffelyp a| geffir udunt.
Teir cont kyfreithaỽl yssyd. cont gast. A chont
kath. A chont gỽiweir. kanys dillỽg ac ellỽg
a allant pan vynhont. Tri phren ryd yn| ffor  ̷+
est brenhin. pren crip eglỽys. A phren pelei  ̷+
dyr a elhont yn| reit y brenhin. A phren elor.
Tri chorn buelyn y brenhin. y gorn kyfed.
a|e gorn kyweithas. A|e gorn yn llaỽ y penky  ̷+
nyd. punt a tal pop vn. Teir hela ryd yssyd
ym pop gỽlat. hela iỽrch. A hela kadno. A hela
dyfyrgi. kanyt oes treftat vdunt. Tri pheth
a| tyrr ar gyfreith. treis. Ac amot. Ac aghen+
octit. Tri enỽ righyll yssyd. gỽaed gỽlat.
A garỽ gychwedyl gỽas y kyghellaỽr. A righyll.
O teir fford y telir gỽyalen aryant y|r brenhin.
am treis. Ac am torri naỽd fford ar achenaỽc
diatlam. Ac am sarhaet brenhin.