Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 45r

Llyfr Cyfnerth

45r

tal. Eil yỽ kyn mynet eneit yn·daỽ o|r collir
trỽy greulonder. trayan y alanas a| telir ym  ̷+
danaỽ. Trydyd yỽ gỽedy yd el eneit yndaỽ
o|r collir trỽy greulonder. cỽbyl o|e alanas
a| telir ym·danaỽ yna.
O Teir fford y dygir mab y tat. Vn yỽ gỽre  ̷+
ic lỽyn a| pherth o|r byd beichaỽc pan
vo ar y llaỽuaeth. dyget y pheriglaỽr etti.
A thyget ỽrthaỽ. escor neidyr imi y ar y beich  ̷+
ogi hỽn os creỽys tat gan vam onyt y| gỽr
y dygaf idaỽ a|e enwi. Ac| uelly kyfreithaỽl
y dỽc. Eil yỽ penkenedyl a seith laỽ kenedyl
gantaỽ bieu y dỽyn. Trydyd yỽ ony byd pen+
kenedyl; llỽ deg wyr a| deu vgeint o|e gened  ̷+
yl a|e dỽc. A|r mab e| hunan a| tỽg yn| y blaen.
kanyt kyfreithaỽl llỽ y vam onyt ar dygyat vry.
O Teir fford y| gỽedir mab o genedyl. ky+
mryt y mab o|r gỽr y dywetter y vot yn
vab idaỽ. A|e dodi y rodaỽ* ar allaỽr. A dodi y llaỽ
asseu ar pen y mab. A|r llaỽ deheu ar yr alla  ̷+
ỽr a|r creireu. A thyget na|s creỽys ef ac nat
oes dafyn o|e waet yndaỽ. Eil yỽ ony byd
y tat yn vyỽ penkenedyl bieu y wadu a se  ̷+
ithlaỽ kenedyl gantaỽ. Tryded yỽ ony
byd penkenedyl idaỽ. llỽ deg wyr a deu vge  ̷+