Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 44r

Llyfr Cyfnerth

44r

Trydyd yỽ y hyspeilaỽ. bot yn well gantaỽ y
hyspeil no bot genthi. Tri chehyryn
canhastyr yssyd; vn yỽ lledrat y fford y ker  ̷+
tho kyfran o·honaỽ. kanys naỽ affeith yssyd
idaỽ. Eil yỽ hyd brenhin pỽy bynhac a|e ky  ̷+
llello. Trydyd yỽ abo bleid. y neb a| wnel kam
ym dananaỽ*. Tri chadarn en·llip gỽreic
ynt; Vn yỽ  gỽelet y gỽr a|r| wreic yn
dyuot o|r vn llỽyn vn o pop parth y|r llỽyn.
Eil yỽ gỽelet ell deu dan vn vantell. Trydyd
yỽ gỽelet y gỽr rỽg deu vordỽyt y| wreic.
Tri pheth a haỽl dyn yn lledrat ac ny chyg  ̷+
ein lledrat yndunt. eredic. a diot coet. Ac a  ̷+
deilat. Teir sarhaet gỽreic ynt. Vn a drych  ̷+
eiff. Ac vn a ostỽg. Ac vn yssyd sarhaet gỽ  ̷+
byl. Pan rother cussan idi o|e hanuod. tray+
an y sarhaet yssyd eisseu idi yna. Eil yỽ y
phaluu. A honno yssyd sarhaet gỽbyl
idi. Tryded yỽ bot genthi o|e hanuod. A
honno a drycheif y trayan. O teir fford
y llyssir tyston. o tirdra. A galanastra. a gỽreictra.
TRi meib yn tri  broder vn vam
vn tat. Ac ny dylyant kaffel ran 
o| tir gan eu brodyr vn vam vn tat ac ỽynt.
Vn yỽ mab llỽyn a pherth. A gỽedy hynny