Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 42r

Llyfr Cyfnerth

42r

whechetdyd. kyfreith yn rydhau dial.
TEir rỽyt brenhin ynt. y  teulu;
nyt oes diuỽyn am y rỽyt honno onyt
trugared y brenhin. Eil yỽ y re; o pop march
a dalher erni. pedeir keinhaỽc kyfreith a ge  ̷+
iff y brenhin. Tryded yỽ gỽarthec y vaerty.
o pop eidon a dalher arnunt. pedeir keinhaỽc
.kyfreith. a geiff y brenhin. Teir rỽyt breyr ynt.
y re. A gỽarthec y vaerty. A|e voch. kanys o|r
keffir llỽdyn yn eu plith; pedeir keinhaỽc
.kyfreith. a geiff y breyr o pop llỽdyn. Teir rỽyt
tayaỽc ynt. y warthec. a|e voch. A|e hentref.
pedeir keinhaỽc cotta a| geiff y tayaỽc o pop
llỽdyn a gaffer yndunt o galan mei hyt pan
TEir dirỽy brenhin ynt; [ darffo medi.
Dirỽy treis. A dirỽy ledrat. A dirỽy ym  ̷+
lad kyfadef. Diuỽyn dirỽy treis yỽ gỽyalen
aryant. a ffiol eur. a chlaỽr eur yn| y mod y
dywespỽyt yn diuỽyn sarhaet brenhin.
Diuỽyn dirỽy ymlad kyfadef yỽ deudec
mu. Diuỽyn dirỽy ledrat yỽ. kyssỽynaỽ lle  ̷+
drat ar dyn. A gỽadu o·honaỽ yn da ar| y| taua  ̷+
ỽt. A gossot reith arnaỽ a|e phallu. lleidyr
kyfadef can pallỽys y reith. Gỽiryon o|e pen
e| hunan a|e tauaỽt. ny delit dim gantaỽ.