Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 3v

Llyfr Cyfnerth

3v

lỽyth kyntaf. hyt pan ossotto yr anrec diweth  ̷+
af rac bron y brenhin a|r vrenhines. Naỽd
y sỽydỽr llys yỽ o|r pan dechreuho rannu y
bỽyt; hyt pan gaffo y diwethaf y ran.
Naỽd y medyd yỽ o|r pan dechreuo darmerth
y| gerỽyn ved. hyt pan y kudyo. Naỽd y
trullyat yỽ o|r pan dechreuho gỽallaỽ y ge  ̷+
rỽyn ved; hyt pan darffo. Naỽd y medyc
llys yỽ o|r pan el y ouỽy y claf gan ganhat
y brenhin. hyt pan del y|r llys trachefyn.
Naỽd y dryssaỽr y neuad yỽ canhebrỽg y| dyn
hyt y vreich a|e wyalen parth ac at y portha  ̷+
ỽr. kanys ef a|e herbyn. Naỽd y porthaỽr
yỽ kadỽ y| dyn hyt pan del y penteulu trỽy
y porth parth a|e lety. Ac yna kerdet y naỽdỽr
yn diogel. Kyffelyp yỽ naỽd dryssaỽr a|e gi  ̷+
lyd. Naỽd gỽastraỽt auỽyn a para tra wnel
y gof llys pedeir pedol ac eu to holyon. A thra
pedolo amỽs y brenhin. Kyffelyp y hyn  ̷+
ny yỽ naỽd gỽastraỽt auỽyn brenhines.
Pỽy bynhac a torher y naỽd; neut sarha  ̷+
et idaỽ. Sef a telir yn sarhaet penteulu;
trayan sarhaet y brenhin heb eur a heb ar  ̷+
yant breinhaỽl. Ac uelly y alanas. Distein.
Ygnat llys. Hebogyd. Penkynyd. Pen  ̷