Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 37r

Llyfr Cyfnerth

37r

oet. ny|s diỽc. yr haỽlỽr y|r mach traegefyn.
namyn y trayan. y mach hagen a|e diỽc o gỽ  ̷+
byl y|r kynnogyn kanys yn aghyfreithaỽl
y duc. O|r dyry kynnogyn kywerthyd punt
yg gỽystyl keinhaỽc a|e dygỽydaỽ. ny diwygir.
POb dadyl yn| y hamot. nyt am +[ idaỽ dim.
ot heb amotwyr. Vn diwat yỽ amot
a| mechniaeth. Ny dyly neb wneuthur amot
dros y llall heb y ganhat. na that dros y vab.
na mab dros y tat. kany phara amot nam+
yn yn oes y neb a|e gỽnel. Kyt gỽnelher am  ̷+
ot yn erbyn kyfreith; dir yỽ y gadỽ.  Amot
a tyrr ar dedyf. Trech amot no gỽir. O|r edeu
dyn da y arall yg gỽyd tyston. A mynnu eil  ̷+
weith y| wadu. ny|s dichaỽn onyt y tyston a
palla y|r llall. Os edeu ynteu heb neb yn| y lle.
gỽadet ar y lỽ e| hunan os myn.
SEith punt yỽ gobyr merch brenhin.
Ac y|r vam y telir. A|r gỽr a tal y| chowyll.
kanys tir a| telir idi. Pedeir punt ar hugeint
yỽ y hegỽedi. O|r a merch breyr gan ỽr yn lla  ̷+
thrut heb rod kenedyl. pan atter sef uyd y
hegỽedi; whech eidon kyhyt eu kyrn ac eu hys  ̷+
cyfarn. U* verch tayaỽc   y telir tri
eidon gogyfoet arei hynny. O|r kymer gỽr