Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 33r

Llyfr Cyfnerth

33r

BOnhed gỽenyn o paradỽys pan yỽ.
Ac o achaỽs pechaỽt dyn y doethant
odyno. Ac y dodes duỽ y rat arnunt. Ac ỽrth
hynny ny ellir canu efferen heb y cỽyr.
Modrydaf gỽenyn; pedeir ar hugeint a
tal. Kynheit; vn ar pymthec a| tal. Eil heit.
deudec keinhaỽc a tal. Tryded heit; ỽyth
geinhaỽc a tal. Modrydaf gỽedy yd el y
kynheit o·honei; vgeint a tal. Gỽedy yd el
yr eil heit o·honei; vn ar| pymthec a| tal.
Gỽedy yd el y tryded heit o·heni. deudec ke  ̷+
inhaỽc a| tal. Ny thal neb heit eithyr pede  ̷+
ir keinhaỽc. hyny vo tri dieu ar hed ac yn
wastat. dyd y| geissaỽ lle y uudaỽ. A|r eil y
uudaỽ. A|r trydyd y orffowys. Y neb a| gaffo
heit ar tir dyn arall ar gagen. pedeir kein+
haỽc a geiff y| gan perchennaỽc y tir o|r myn
ynteu yr heit. Y neb a gaffo bydaf ar tir
dyn arall; kein·haỽc kyfreith a geiff ef.
neu y cỽyr ar dewis perchennaỽc y tir.
Naỽuetdyd kyn aỽst yd a pop heit ym
mreint modrydaf. Ac yna pedeir ar huge  ̷+
int a tal. eithyr  asgelleit. kany chymer
hi vreint modrydaf hyt y kalan mei rac
ỽyneb. Ac yna pedeir ar hugeint a| tal mal
y rei ereill.