Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 32r

Llyfr Cyfnerth

32r

atuerer trayan eu gỽerth trachefyn. O|r
llad moch dyn; talet eu perchennaỽc alan  ̷+
as y dyn. neu wadet y moch.
KYỽ gỽyd tra vo dan adein y vam; ke  ̷+
inhaỽc cotta a| tal. O|r pan el ydan ade  ̷+
in y vam. hyt aỽst; keinhaỽc kyfreith. a| tal. O
aỽst allan; dỽy geinhaỽc. kyfreith. a tal. Ac yna
vn werth a|e vam vyd. Iar; keinhaỽc cota
a| tal. Keilyaỽc; keinhaỽc cotta a tal.
Pvnt yỽ gỽerth nyth hebaỽc. wheugeint
yỽ gỽerth hebaỽc kyn mut a| thra vo yn| y
mut. O|r byd gỽen gỽedy mut; punt a| tal.
Nyth gỽalch; wheugeint a| tal. Gỽalch 
kyn mut a| thra vo yn| y mut; trugeint a| tal.
O|r byd gỽen gỽedy mut; wheugeint a| tal.
Nyth llamysten; pedeir ar hugeint a| tal.
Llamysten kyn mut a| thra vo yn| y mut;
deudec keinhaỽc a| tal. O|r byd gỽen gỽedy
mut; pedeir ar hugeint a| tal. Teithi pop
ederyn benyỽ; yỽ dotwi a gori. Teithi pop e  ̷+
deryn gỽryỽ; kanu a chỽccỽyaỽ. Ny byd
na dirỽy na chamlỽrỽ am neb edeinyaỽc
kyn dyccer ledrat. namyn talu y werth kyf  ̷+
reith y perchennaỽc ony cheffir e| hunan.
Karỽ vn werth ac vn ardrychafel uyd ac
ych.