Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 31v

Llyfr Cyfnerth

31v

cheif ar y werth nyt amgen vn ar pymthec.
A dỽy geinhaỽc heuyt o|r tymhor a| gymer.
Ac yna whech cheinhaỽc a| deu vgeint a| tal.
hyt galan mei; Odyna hyt aỽst; ỽyth a deu
vgeint a| tal. Hyt galan racuyr; dec a deu
vgeint a| tal. Hyt galan whefraỽr; deudec
a deu vgeint a| tal. Trannoeth y dodir gỽed
arnaỽ kanys allweith uyd yna. A hynny
a drycheif pedeir keinhaỽc kyfreith ar y
werth a dỽy geinhaỽc hefyt o|r tymhor. Ac
yna trugeint a| tal. Teithi ych yỽ eredic yn
rych ac yg gỽellt a hynny yn ditonrỽyc. Ac
ny byd teithiaỽl onyt velly. Ac ony byd te  ̷+
ithiaỽl; atuerer trayan y werth y|r| neb a|e
prynho. Y neb a| wertho eidon yn gyfreith  ̷+
aỽl; bit y danaỽ rac y dera tri dieu. A thri
mis rac yr ysceuein. A blỽydyn rac y pelle  ̷+
neu. Y neb a| wertho llo neu dinaỽet; bit
ydanaỽ rac y clafyri o galan gayaf hyt ỽyl
padric. Ny byd telediỽ ych namyn o allwe  ̷+
ith hyt y whechetweith. Na buch nam  ̷+
yn o|e heil llo; hyt y naỽuet| lo. A chyt elhont
ỽy dros yr oet hỽnnỽ; ny ostỽg ar eu gỽe  ̷+
rth tra uont uyỽ. O|r llad gỽarthec tref  ̷+
gord eidon ac na ỽyper pỽy a|e lladaỽd;