Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 29v

Llyfr Cyfnerth

29v

llygat amỽs a|e glust; pedeir ar hugeint
a| tal pop vn o·honunt. Rỽnsi; wheu·ge  ̷+
int a| tal. Raỽn rỽnsi; deudec keinhaỽc
a| tal o|r trychir y maes o|r goloren. o|r trych  ̷+
ir dim o|r goloren hagen; gỽerth y rỽnsi
oll a telir yna. A dilis uyd ynteu y|r neb
a|e prynỽys. Llygat rỽnsi a|e glust; deudec
keinhaỽc a tal pop vn o·honunt. Palfre;
morc a| tal. Vn werth y aelodeu ac aelodeu
rỽnsi. March tom neu gassec tom; vn
werth ac vn drychafel ynt ac eidon eith  ̷+
yr eu teithi. Teithi march tom neu gas  ̷+
sec tom. yỽ dỽyn pỽn a| lluscaỽ karr yn
allt ac yg gỽaet*. A hynny yn dirrỽysc.
Y neb a gymerho march ar venffic. A lly  ̷+
gru y gefyn hyny dygỽydho y bleỽ yn ha  ̷+
gyr; pedeir keinhaỽc kyfreith a tal y|r per  ̷+
chennaỽc. O|r hỽydha hagen y gefyn o at  ̷+
lo henllỽgyr. A thorri croen hyt y kic. ỽyth
geinhaỽc kyfreith a| tal. Ony byd henllỽ  ̷+
gyr arnaỽ. A thori croen a chic hyt ascỽrn.
Vn ar pymthec kyfreith a| tal. Y neb a
watto llad amỽs neu palfre yn lledrat. ro  ̷+
det lỽ petwar gỽyr ar hugeint. Kassec re  ̷+
ỽys; wheugeint a| tal. y raỽn a|e llygat a|e