Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 29r

Llyfr Cyfnerth

29r

ynt*; mor. A diffeith. Ac yghen·aỽc diatlam.
A lleidyr. A marỽ·ty. A dirỽy. A chamlỽrỽ. Ac ebediỽ.
O|R pan anher ebaỽl hyt aỽst; whech ke  ̷+
inhaỽc a| tal. O aỽst hyt galan gayaf;
deudec keinhaỽc a| tal. Hyt galan whefraỽr;
deu naỽ a| tal. Hyt galan mei; pedeir ar hu  ̷+
geint a| tal. Hyt aỽst; dec ar hugeint a| tal.
Hyt galan racuyr; vn ar pymthec ar huge  ̷+
int a| tal. Hyt galan whefraỽr; dỽy a deu vge  ̷+
int a| tal. Hyt galan mei; ỽyth a deu vge  ̷+
int a| tal. Dỽy ulỽyd uyd yna. Sef a tal yna;
o galan mei hyt aỽst; trugeint. kanys deu  ̷+
dec keinhaỽc a drycheif arnaỽ yna. A deudec
heuyt pop tymhor hyt galan mei. Ac yna
teir blỽyd uyd. Sef a| tal yna vn ar pymthec
a phetwar vgeint. y dyd y dalher; vgeint
a drycheif arnaỽ. Pan ffrỽynher; a dodir
ar hyn gynt. Ac yna wheugeint a| tal.
Amỽs a pascer whech ỽythnos vch pen pre  ̷+
seb; punt a tal. Amỽs yn pori allan; a mil  ̷+
gi heb y torch. colli eu breint a wnant. Pe  ̷+
deir ar hugeint a| tal raỽn amỽs o|r trychir
y maes o|r goloren; O|r trychir dim o|r go  ̷+
loren hagen. gỽerth yr amỽs oll a telir
yna. A dilis uyd yr amỽs y|r neb a|e hanaf+
ỽys.