Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 26v

Llyfr Cyfnerth

26v

gỽestua brenhin o·honei. Pỽn march o vlaỽt
gỽenith ac ych a seith drefa o geirch vn rỽym.
Ac a uo digaỽn o vel yn vn gerỽyn. Naỽ dyr  ̷+
nued uyd vchet y gerỽyn pan vessurer ar|ỽyr
o|r cleis traỽ y|r emyl yma. A phedeir ar huge  ̷+
int aryant. Punt yỽ gỽerth gỽestua bren  ̷+
hin. wheugeint yg kyfeir y vara. A thruge  ̷+
int dros y enllyn. A thrugein dros y lyn. Sef
y telir velly hagen ony rodir y bỽyt yn| y am  ̷+
ser. nyt amgen y| gayaf. O tref maeroni
neu gyghelloryaeth. med a| telir. O tref ryd
dissỽyd; bragaỽt a telir. O tayaỽctref; cỽrỽf
a telir. Dỽy gerỽyn vragaỽt neu pedeir cỽr  ̷+
ỽf a| telir dros vn ved. Dỽy gerỽyn 
gỽrỽf a| telir dros vn vragaỽt. Ny telir ary  ̷+
ant nac ebran meirch gan westua haf.
Deu daỽnbỽyt a daỽ y|r brenhin yn| y ulỽ  ̷+
ydyn y| gan y tayogeu. Daỽn·bỽyt gayaf
yỽ hỽch tri·vyssic yn| y hyscỽyd. Ac yn| y hir  ̷+
eis. Ac yn| y chlun. Ac henhorop hallt. A| th+
ri vgeint torth o vara gỽenith o|r tyf gỽen  ̷+
ith yno. bit beilleit y naỽ torth. y teir y|r ys  ̷+
tauell. A|r whech yr neuad. kyflet pop torth
ac o elin hyt ardỽrn. Os keirch vydant;
bit rynyon y naỽ torth. kyn teỽhet vyd+
ant;