Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 25r

Llyfr Cyfnerth

25r

o gorff neu gytetiued hyt geifyn; y brenhin
a| uyd etiued o|r tir hỽnnỽ. Tri ryỽ prit yssyd
ar| tir. Vn yỽ gobyr gỽarchadỽ. Eil yỽ da a
rother y achweccau tir neu y vreint. Try  ̷+
dyd yỽ llafur kyfreithaỽl a wnelher ar y tir
y bo gỽell y tir yrdaỽ. Ny dyly neb gofyn atran
onyt y neb ny chafas dewis. kany chygein
gỽarthal gỽarthal* gan dewis.
Teir etiuedyaeth kyfreithaỽl yssyd; ac a
trigyant yn dilis y|r etiuedyon. Vn yỽ etiued  ̷+
yaeth trỽy dylyet o pleit ryeni. Eil yỽ etiued  ̷+
yaeth trỽy amot kyfreithaỽl y gan y perch  ̷+
ennaỽc yr gỽerth. Trydyd yỽ.  +
 etiuedyaeth a gaffer trỽy amot kyf  ̷+
reithaỽl o vod y perchennaỽc heb werth.
O tri mod yd holir tir a| dayar. o gamwerescyn.
ac o datanhud. Ac o ach ac etrif. kyny thyccyo
gofyn tir o|r mod kyntaf nac o|r eil. ny byd
hỽyrach no chynt y keffir o|r trydyd.
Tri chamwerescyn yssyd; gỽerescyn yn er  ̷+
byn y perchennaỽc o|e anuod A heb vraỽt.
Neu werescyn trỽy y perchennaỽc ac yn
erbyn y etiued o|e anuod a heb vraỽt. Neu
werescyn trỽy wercheitwat ac yn erbyn y
iaỽn dylyedaỽc o|e anuod a heb varn. Perch  ̷+