Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 24v

Llyfr Cyfnerth

24v

kynhal o pop vn gan y gilyd o|r brodyr a|r kefyn  ̷+
dyrỽ a|r kyferdyrỽ. A|r tir a gollo vn o|r rei hy  ̷+
nny o eisseu llỽ y rei ereill; enillent idaỽ. o
gyferdyrỽ allan ny dyly neb kadỽ ran y
gilyd nac a|e lỽ nac a|e da.
Pỽy bynhac a wnel brat arglỽyd neu
a wnel kynllỽyn; ef a gyll tref y tat.
Ac o|r keffir; eneituadeu uyd. Ony cheffir
ynteu a mynnu kymot o·honaỽ ac arglỽ  ̷+
yd ac a chenedyl; tal deu·dyblyc a daỽ arnaỽ
o| dirỽy a galanas. Ac o|r kyrch lys y pap a dy  ̷+
uot llythyr y pap gantaỽ a dangos y rydhau
o|r pap. tref y tat a geiff. Trydyd achaỽs y
kyll dyn tref y tat. o enkil o·honaỽ y ỽrth
y tir heb ganhat ac na allo godef y beich a|r
gỽassanaeth a| vo arnaỽ.
Ny cheiff neb tir y| gytetiued megys y| vra  ̷+
ỽt neu y gefynderỽ neu y gyferderỽ. gan
y ofyn trỽy yr| hỽn a vei varỽ o·honunt heb
etiued idaỽ o| gorff. namyn gan y ofyn trỽy
vn o|e ryeni a| ry|ffei perchennaỽc y tir hỽn  ̷+
nỽ hyt varỽ ae tat ae hentat ae gorhentat
Ac uelly y keiff y tir os ef a| uyd nessaf kar y|r
marỽ. Gỽedy ranho brodyr tref eu tat y·ry  ̷+
dunt. o|r byd marỽ vn o·honunt heb etiued
o gorff