Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 23v

Llyfr Cyfnerth

23v

priodaỽr a gynhalyo tir yn| y herbyn.
TEir gỽeith y rennir tir rỽg brodoryon.
yn gyntaf rỽg brodyr. Odyna rỽg ke  ̷+
uyndyrỽ. Trydedweith rỽg kyferdyrỽ. Ody+
na nyt oes priaỽt ran ar tir. Pan ranho 
brodyr tref eu tat y·rydunt. y ieuhaf a geiff
yr eissydyn arbenhic ac ỽyth erỽ. a|r| trefneu
oll. a|r gallaỽr a|r| uỽell gynnut a|r cỽlltyr.
kany eill tat nac eu rodi nac eu kymynnu
onyt y|r mab ieuhaf. A chyn gỽystler ny dy  ̷+
gỽydant byth. Odyna kymeret pop braỽt
eissydyn arbenhic ac ỽyth erỽ. A|r mab ieu  ̷+
haf a| ran. Ac o hynhaf y hynhaf bieu dewis
Ny dyly neb gofyn atran; onyt y neb ny ch+
afas dewis. kanyt oes warthal gan dewis.
O|R gomed dyn teir gỽys o pleit y bren  ̷+
hin am tir onyt maỽr aghen a|e llud.
y tir a rodir y|r neb a|e holho. O|r daỽ ynteu
ỽrth yr eil wys neu ỽrth y tryded. gỽrthebet
am y tir os iaỽn idaỽ. A thalet tri buhyn cam*  ̷+
lỽr y|r brenhin am omed gỽys. Y neb a| talo
gobyr estyn am tir; ny thal hỽnnỽ ebediỽ
gan iaỽn. Pỽy bynhac ah* gynhalyo tir teir
oes gỽyr yn vn wlat yn* vn* wlat* ar dylyedo  ̷+
gyon. oes tat a hentat a gorhentat heb haỽl