Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 22v

Llyfr Cyfnerth

22v

a| teruyna. Os y·rỽg tir y wlat a| thir eglỽys 
eglỽys a teruynha. Os y·rỽg kytetiuedyon;
breint a teruynha. Os y·rỽg tir kyfanhed a| thir
diffeith; kynwarchadỽ a| teruynha. Adeil ac ar  ̷+
adỽy yỽ kyfanhed. Pan teruynha llys; Maer
a chyghellaỽr bieu dangos y theruyneu dros  ̷+
ti. Os eglỽys; bagyl ac euegyl.
E Neb a uynho kyffroi haỽl am tir o ac ach
ac etuyryt; kyffroet yn vn o|r deu naỽ+
vetdyd. Ae naỽuetdyd racuyr ae naỽuetdyd
mei. kanys kyt kyffroer y ryỽ haỽl honno;
y maes o vn o|r dydyeu hynny; ny thyccya.
Y neb a holho tir yn naỽuettyd racuyr; bra+
ỽt a geiff o·honaỽ kyn naỽuet mei. Ac ony
cheiff braỽt yna; holet yn naỽuetdyd mei
elchỽyl o|r myn erlyn kyfreith. Ac odyna
agoret uyd kyfreith idaỽ pan y mynho y|brenhin.
TRi datanhud tir yssyd; datanhud karr.
A datanhud beich. A datanhud eredic.
Y neb y barner datanhud beich idaỽ; tri dieu
a their nos gorffowys yn dihaỽl a geiff. Ac y+
n| y trydydyd y dyry atteb. Ac yn| y naỽuet  ̷+
dyd barn. Y neb y barnher datanhud karr
idaỽ; pump nieu a| phymp nos gorffowys
a geiff. Ac yn| y pymhetdyd atteb. Ac yn| y