Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 20r

Llyfr Cyfnerth

20r

arch yssyd ar dyn. creith ar| ỽyneb dyn; whe
ugeint a| tal. Creith ar gefyn y llaỽ deheu;
trugeint a| tal. Creith ar gefyn y troet deheu;
dec ar| hugeint a| tal. Gỽerth amrant dyn
hyt y bo y bleỽ erni; keinhaỽc kyfreith a| tal.
pop blewyn; o|r tyrr dim o·heni; gỽerth cre  ̷+
ith o·gyfarch a telir yna.
SEf yỽ meint galanas maer neu gyg  ̷+
hellaỽr; naỽ mu a naỽ vgeint mu
gan tri drychafel. Sarhaet pop vn o·hon  ̷+
unt yỽ naỽ mu a naỽ vgeint aryant. Punt
yỽ ebediỽ pop vn o·honunt. Punt yỽ gobyr
merch pop vn. A their punt yỽ y chowyll.
A seith punt y hegỽedi. O|r a merch maer 
neu gyghellaỽr neu vn o arbenhigyon llys
yn llathrut heb rod kenedyl; naỽ eidon ky  ̷+
hyt eu kyrn ac eu hyscyfarn uyd eu hegỽedi.
Pedeir bu a phetwar vgeint aryant yỽ sar  ̷+
haet teuluỽr brenhin os o hynny yd ymar  ̷+
delỽ. Teir bu a| telir yn sarhaet teuluỽr bre  ̷+
yr. nyt amgen tri buhyn tal beinc.
GAlanas penkenedyl; tri naỽ mu a thri
naỽ vgein mu gan tri drychafel. yn| y
sarhaet y telir tri naỽ mu a thri naỽ vge  ̷+
int aryant. Galanas vn o aelodeu pen·ke+
nedyl;