Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 1v

Llyfr Cyfnerth

1v

A chan perthynynt ỽrth y brenhin a|r vren+
hines a|r petwar sỽydaỽc ar hugeint a|e can+
hymdaant. nyt amgen. Penteulu. Effei+
rat teulu. Distein. Ygnat llys. Hebogyd.
Penkynyd. Pengỽastraỽt. Gỽas ystauell.
Distein brenhines. Effeirat brenhines.
Bard teulu. Gostegỽr. Dryssaỽr neuad.
Dryssaỽr ystauell. Morỽyn ystauell. Gỽas+
traỽt auỽyn. Canhỽyllyd. Trullyat.
Medyd. Sỽydỽr llys. Coc. Medyc. Tro  ̷+
edaỽc. Gỽastraỽt auỽyn brenhines.
Dylyet y sỽydogyon oll yỽ kaffel breth  ̷+
ynwisc y| gan y brenhin. A lliein·wisc
y| gan y vrenhines teir gỽeith pop blỽyd+
yn. y nadolyc. a|r pasc. a|r sulgỽyn. Ran o
holl ennill y brenhin o|e wlat dilis a| geiff y
vrenhines. Sỽydogyon y vrenhines a gaf  ̷+
fan ran o holl ennill sỽydogyon y brenhin.
Tri dyn a| wna sarhaet y|r brenhin; y neb a
torho y naỽd. A|r neb a rỽystro y wreic. A|r neb
a| latho y ỽr yn| y ỽyd ac yg gỽyd y nifer pan
vo ym·aruoll a chymanua y·rydaỽ ynteu a
phennaeth arall. Can mu hagen a| telir
yn sarhaet brenhin yg kyfeir pop cantref
o|e teyrnas. A gỽyalen aryant a| gyrhaetho