Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 19v

Llyfr Cyfnerth

19v

whe bu a whe vgeint aryant yỽ gỽerth pop
vn o·honunt. O|r trychir clust dyn oll ym·de  ̷+
ith. A| chlybot o|r dyn arnaỽ mal kynt; dỽy
uu a deu vgeint aryant a| tal. Keilleu vn
werth ynt a|r aelodeu vry oll. Tauaỽt e| hu+
nan. kymeint yỽ y werth a|r saỽl aelaỽt a
rifỽyt hyt hyn. holl aelodeu dyn pan gyf  ̷+
riffer ygyt; ỽyth punt a phetwar vgeint
punt a talant. Bys dyn; buch ac vgeint
aryant a tal. Gỽerth y uaỽt; dỽy uu a deu
vgeint aryant. Ewin dyn; dec ar hugeint
aryant a| tal. Gỽerth y kygỽng eithaf; whe+
ch ar hugeint aryant |  a dimei a thray+
an dimei. Gỽerth y kygỽng perued; dec
a deu vgeint a dimei a deuparth dimei.
Gỽerth y kygỽng nessaf; petwar vgeint
aryant. Racdant dyn; pedeir ar hugeint
aryant gan tri drychafel a| tal. A phan taler
racdant; gỽerth creith gogyfarch a telir
gantaỽ. Kildant; dec a| deu vgeint a| tal.
PEdeir ar hugeint aryant yỽ gỽerth
gỽaet dyn. kanyt teilỽng bot gỽerth
gỽaet dyn yn gyfuch a gỽerth gỽaet duỽ.
kyt bei gỽir dyn ef; gỽir duỽ oed ac ny
phechỽys yn| y gnaỽt. Teir creith gogyf  ̷+