Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 18v

Llyfr Cyfnerth

18v

Seithuet yỽ whythu y tan hyny enynho. ỽyth  ̷+
uet yỽ enynnu y peth y lloscer ac ef. Naỽuet
yỽ gỽelet y llosc gan y odef. y neb a watto vn
o|r naỽ affeith hyn; rodet lỽ deg wyr a deu v  ̷+
geint heb gaeth a heb alltut.
KYntaf o naỽ affeith lledrat yỽ syllu tỽ  ̷+
yll a cheissaỽ ketymdeith. Eil yỽ duun  ̷+
aỽ am y lledrat. Trydyd yỽ rodi bỽyllỽrỽ. Pet  ̷+
weryd yỽ ymdỽyn y bỽyt yn| y getymdeithas.
Pymhet yỽ rỽygaỽ y buarth neu torri y ty.
Seithuet* yỽ kychwynu y lledrat o|e le a cher  ̷+
det dyd neu nos gantaỽ.  Seithuet yỽ
bot yn gyfarwyd ac yn| troscỽydỽr ar y lledrat.
ỽythuet yỽ kyfrannu a|r lladron. Naỽuet yỽ
gỽelet y lledrat. A|e gelu yr gobyr neu y pry+
nu yr gỽerth. Y neb a watto vn o|r naỽ affeith
hyn; rodet lỽ degwyr a deu vgeint heb gaeth
A heb alltut.
NAỽ nyn a| dygant eu tystolyaeth gan gre  ̷+
du pop vn o·honunt ar wahan ỽrth y lỽ.
arglỽyd rỽg y deu ỽr o|r dadyl a adefynt yr| y
uot geir y vron ef. Ac na bei gyfrannaỽc yn+
teu o|r dadyl. Ac na bydynt vn dull. Abat rỽg
y| deu vanach ar drỽs y kor. Tat rỽg y deu vab
gan dodi y laỽ ar pen y mab y| dycco y tystoly+