Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 17v

Llyfr Cyfnerth

17v

a| daỽ ar y llofrud a|e tat a|e vam a|e vrodyr a|e chwi  ̷+
oryd yn wahanredaỽl y ỽrth y genedyl. Trayan
y llofrud elchỽyl a| rennir yn teir ran. y trayan
ar y llofrud e| hunan. A|r dỽy ran a|r y tat ar vam
a|r brodyr a|r chwioryd. Ac o|r gỽyr hynny y tal
pop vn gymeint a|e gilyd. Ac uelly y gỽraged.
Ac ny thal vn wreic mỽy no hanher ran gỽr.
A|r| trayan hỽnnỽ a telir y tat a mam y lladedic
a|e gytetiuedyon megys y sarhaet. Y dỽy ran
a| dodet ar y genedyl; a rennir yn teir ran. Ac
o hynny y dỽy ran a| tal kenedyl y tat. A|r tryded
a| tal kenedyl y vam. Y kyfryỽ achoed kenedyl
a| talhont alanas ygyt a|r llofrud; yr vn ryỽ a  ̷+
choed a|e kymerant o parth y lladedic o|r gorhen  ̷+
gaỽ hyt y gorchaỽ. Ual hyn yd enwir naỽ rad
kenedyl a dylyant talu galanas a|e chymryt.
Ac eu haelodeu. Kyntaf o|r naỽ rad yỽ tat a mam
y llofrud neu y lladedic. Eil yỽ braỽt a| whaer. Try  ̷+
dyd yỽ hentat. Petweryd yỽ Gorhentat. Pym  ̷+
het yỽ kefynderỽ. Whechet yỽ kyferderỽ. Seith  ̷+
uet yỽ keifyn. ỽythuet yỽ gorcheifyn. Naỽuet
yỽ gorchaỽ. Aelodeu y gradeu ynt; nei ac ewy  ̷+
thyr y llofrud neu y lladedic. Nei yỽ; mab bra  ̷+
ỽt neu vab whaer. neu gefynderỽ. neu gyfer  ̷+
derỽ. neu gyfnitherỽ. Ewythyr yỽ. braỽt tat