Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 16v

Llyfr Cyfnerth

16v

y kỽn o|r kic. A dyget atref y kỽn a|r croen a|r afu
a|r wharthaỽr ol. Ac ony doant y kynydyon y
nos honno; mỽynhaet ef y kic. A chatwet y
kỽn a|r croen y|r kynydyon. O|r lledir y karỽ 
am hanher dyd; katwet y breyr ef yn gyfan
hyt y nos. Ac ony doant y kynydyon yna; mỽ+
ynhaet y breyr hỽnnỽ mal yr hỽn gynt. O|r
lledir hyt nos yn tref breyr; tannet y vantell
arnaỽ. A chatwet yn gyfan ef hyt y bore. Ac o  ̷+
ny doant y kynydyon yna; bit vn vreint hỽn  ̷+
nỽ a rei gynt. O|r byd hela gellgỽn y ỽr ryd;
arhoet ef y bore hyny ollygho y kynydyon y
brenhin eu kỽn teir gỽeith. Ac odyna gollyg  ̷+
et ynteu. Pỽy bynhac a latho hyd ar| tir dyn
arall; rodet wharthaỽr y perchennaỽc y tir. o+
nyt hyd brenhin uyd. kany byd wharthaỽr
tir yn hyd brenhin. O|r gỽyl ffordaỽl bỽystuil
y ar fford y myỽn fforest brenhin; byryet ergyt
idaỽ os myn. Ac os medyr; ymlynet tra|e gỽe  ̷+
lo. Ac o|r pan el y dan y olỽc; gadet e| hunan.
HYt hyn gan ganhat duỽ kyfreitheu
llys ry| traethassam. weithon gann
borth y gogonedus arglỽyd iessu 
grist; kyfreitheu gỽlat a dangossỽn.
Ac yn